प्रथम अन्तर माबी लियो रनिङ शिल्ड हाजिरी जबाफको उपाधी बागेश्वरी लाई

लियो क्लब अफ पिस थाहा नगरपालिका द्वारा आयोजित प्रथम लियो नगर स्तरीय अन्तर मावी हाजिरी जफाव रनिङ शिल्डको उपाधी थाहा ११ टिस्टुङ नौखण्डेमा अवस्थित बागेश्वरी माबी ले जितेको छ।
थाहा नगरपालिका भित्र रहेका सामुदायिक र संस्थागत गरि १० विद्यालयको विद्यार्थी सहभागी भएको प्रतियोगितामा बागेश्वरी प्रथम,सरस्वती विद्या मन्दिर बज्रवाराही दोस्रो र पालुङ भ्याली हार्ट एकेडेमी थानाबजार तेस्रो हुन सफल भएको कार्यक्रम संयोजक बिराज थापाले जानकारी दिए।
जनकल्याण माध्यमिक विद्यालयको सभाहलमा लियो क्लव अफ पिस थाहाका अध्यक्ष शिशिर कुमार खत्रीको अध्यक्षतामा सम्पन्न कार्यक्रममा लायन्स क्लब थाहाका संस्थापक अध्यक्ष सुरेन्द्रमान प्रधानको प्रमुख आतिथ्यता रहेको थियो।
कार्यक्रममा जनकल्याण माविका प्रधानाध्यापक सानोभाइ कार्की,थाहा नगरपालिका सामाजिक विकास शाखा प्रमुख अनिल लामिछाने,लायन्स थाहा नगरका निवर्तमान अध्यक्ष गिता कार्की,लायन्स क्लव थाहाका अध्यक्ष सतिदेवी स्याङ्तान,लियो क्लव थाहाका निवर्तमान अध्यक्ष रोशनी गोपाली,लियो पुर्व अध्यक्ष कमल बिष्ट,लायन नविना बिष्ट,माधव कार्की लगायतका अतिथिहरुको उपस्थिति रहेको थियो।
बिजेता बनेसंगै बागेश्वरीले शिल्ड तथा प्रमाणपत्र प्राप्त गरेको छ।