पिपिआर खोप अभियान:-पहिलो दिन थाहाका २३ सय बाख्राहरुमा लगाइयो।

थाहामा बाख्रालाई पिपिआर रोग विरुद्धको खोप लगाइने क्रममा आज पहिलो दिन २३ सय बाख्रा,बोका खसीहरुलाई खोप लगाइएको छ । थाहाको वडा जनप्रतिनिधि हरुसंगको  सहकार्यमा बाख्राहरुलाई पिपिआरविरुद्धको खोप लगाइएको खोप कार्यक्रमका सहजकर्ता तथा थाहा नगरपालिकाका पशु प्राविधिक रुपेश कुमार मिश्रले जानकारी दिए। फागुन १६ गते बाट २२ गते सम्म खोप अभियान सञ्चालन हुने मिश्रले बताए।

प्रत्येक पालिकाको पशु शाखा तथा खोपकर्ताहरु परिचाल गरेर अभियानको रुपमा पशु सेवा केन्द्र मकवानपुरले पिपिआर विरुद्धको खोप लगाइरहेको उनले बताए । पिपिआर रोग लागेमा त्यसको औषधि नहुने र त्यो रोगबाट बचाउने एकमात्र उपाय खोप भएकाले पिपिआर विरुद्धको खोप अभियान सञ्चालन गर्न लागिएको हो ।

पिपिआर रोगबाट बचाउनका लागि थाहाका  किसानहरुले पालेका बाख्रालाई निःशुल्क खोप लगाइन लागिएको थाहा नगर पशु शाखा प्रमुख डाक्टर निकाश ब्लोनले जानकारी दिए । थाहा नगरमा १७ हजार डोज खोप प्राप्त भएको बताइएको छ । खोपका लागि सबै वडामा अहिले खोपकर्ताहरु परिचालन गरिएका छन् । उनिहरुले गाउँगाउँमा गएर खोप लगाइरहेका छन ।

बाख्रामा पिपिआर रोग लागेमा पखाला लाग्ने, र्याल सिगान बगाउने, उच्च ज्वरो आउनेलगायत लक्षण देखा पर्ने र अन्त्यमा बाख्रा मर्ने थाहा नगरपालिकाका पशु प्राविधिक रुपेश कुमार मिश्र बताउछन। बाख्राहरुलाई पिपिआर विरुद्धको खोप लगाउन पनि सबै किसानलाई आग्रह गरिएको छ ।
अभियान २२ गते सम्म चल्ने छ।