पिउने पानीको ट्यांकर लिएर भिमान पुगे वडा अध्यक्ष पाख्रिन

मनहरी २ भिमान जेष्ठ २८,
निरन्तरको खडेरीसङ्गै यति खेर गाउँबस्तिमा लगाईएको बाली सुकेर किसान मारमा परेको खबर सुनिरहेकैछौं । अब खानेपानीको लागि प्रयोग हुँदै आईरहेको कुवा पधेरो सुक्न थालेकोछ ।सुक्खा मौसमको कारण पिउने पानीको लागि प्रयोग हुँदै आईरहेको कुवा सुके पछि ३ घन्टाको बाटो हुँदै पिउने पानीको जोहो गर्दै आईरहेको खबर सुन्नासाथ वडा अध्यक्ष पुगे पानीको ट्याकी सहित ।

प्रसङ्ग हो मनहरी गाउँपालिका वडा नम्बर २ को भिमान बस्ती । चारैतिर डाडाँकाडाँले घेरिएको पर्सा जिल्ला सिमानामा पर्ने बस्ती जहाँ २२ घरधुरीको लगभग ९० जनाको परिवार संख्यामा रहेका बस्तिमा पानी लिन मात्रै पर्सा जिल्लाको पुतली खोलामा पुग्नुपर्ने अवस्था रहेको बताउछन स्थानिय हिरालाल बल । सदै पिउदै आईरहेको पानीको मुल सुकेपछी स्थानियले ८/९ दिन देखि दैनिक ३ घण्टाको बाटो हिडेर खाने पानी ल्याउनुपर्ने बाध्यता रहेकोमा वडा अध्यक्षलाई हिजो अर्थात जेष्ठ २७ गते दिउँसो फोन मार्फत जानकारी गराईएको थियो ।

आज एका बिहानै वडा अध्यक्ष आफ्नै पहलमा खानेपानी लिएर भिमान पुगेकाहुन् । वडा अध्यक्ष खानेपानीको ट्यान्की सहित भिमान बस्ती पुग्दा गाउँका सबै बालक देखि वृद्धासम्म वडा अध्यक्ष र खानेपानी प्रतीक्षामा रहेको देखिन्थ्यो । घरमा रहेको गाग्रो,बोटल, ड्रम लगाएत सबै भाडा पानी थाप्नको लागि ल्याएका देखिन्थ्यो । जब वडा अध्यक्ष ट्र्याकटर चढेर पानी ल्याए त्यसपछी सबै खुशीले हर्षित देखिन्थ्यो । त्यतिमात्र नभएर एकजना वृद्धाले त हामिलाई पानी उपलब्ध गराईदिएकोमा खुशी ब्यक्त गर्दै एकैपटक राम लक्ष्मण छोरा पाओस् भन्दै आशीर्वाद दिनुभएको थियो ।

पानी बितरण पछि प्रतिक्रिया दिदै अध्यक्ष राजकुमार पाख्रिनले स्थानिय जनताको समस्यालाई समाधान गर्न स्थानिय सरकारले अभिभावकत्व ग्रहण गर्छ भन्दै पानीको समस्या भएको आफुलाई हिजो मात्र थाहा भएको बताए साथै यस्को बारेमा अलि चाडै थाहा पाएको भए तपाईहरुले पानीको लागि घण्टौ धाएर दुख खेप्नु पर्ने थिएन भन्दै । अब २/२ दिनको अन्तरमा पानी स्थानियलाई ट्यान्की मार्फत उपलब्ध गराईने बताउनुभयो ।साथै आगामी आर्थिक बर्षमा उक्त बस्तिको लागि वडा सरकारबाटै खानेपानीको लागि योजना बनाईने बताउनुभयो ।

अध्यक्ष पाख्रिनको ब्यक्तिगत पहलमा भिमान बासिलाई खानेपानी उपलब्ध गराएको हो । घण्टौको बाटो हिडेर पानी ल्याईन्थ्यो तर सफा हुदैनथ्यो ।हामिले यति सफा र स्वच्छ पानी हाम्रै घर नजिक प्राप्त गरेकाछौ भन्दै वडा अध्यक्ष पाख्रिनलाई धन्यबाद दिएका थियो । पानीको उपलब्धता सङ्गै स्थानियहरुले मानिस लगाएत पशुचौपायलाई पानीको सहजता मिलेकोछ ।