पालुङ बहुउद्देश्यीयको शुभकामना आदानप्रदान ।

थाहा नगरपालिकामा आयोजित पालुङ बहुउद्देश्यीय सहकरी संस्थाले आयोजना गरेको शुभकामना आदानप्रदान कार्यक्रममा बागमती प्रदेश सहकारी संघका सदस्य तथा जिल्ला सहकारी संघ मकवानपुरका कोषाध्यक्ष बिमल कुमार ढकालले राष्ट्रिय एकता र सद्भाव कायम गर्न चाडपर्वको भूमिका महत्वपूर्ण हुने बताउनुभयो ।
थाहा नगरको थानाबजारमा पालुङ बहुउद्देश्यीय सहकारीले शुक्रबार आयोजना गरेको दशैं, तिहार, नेपाल संवत्, छठ पर्वको शुभकामना आदानप्रदान तथा चियापान कार्यक्रमलाई सम्बोधन गर्दै प्रमुख अतिथी समेत रहेका ढकालले नेपालजस्तो बहुजातीय, बहुभाषिक, बहुधार्मिक, बहुसांस्कृतिक एवं भौगोलिक विविधताले भरिपूर्ण देशमा चाडपर्वले आपसमा सदभाव अभिवृद्धि गर्न योगदान दिएको बताउनुभयो । उहाँले भन्नुभयो, ‘चाडपर्वले सहिष्णुता, सद्भाव र एकतामा सहयोग पुर्याउने गरेका छन् । त्यसैले चाडपर्वको महत्व कम आँक्न हुँदैन, यिनको संरक्षण गर्नुपर्छ ।’
पालुङ बहुउद्देश्यीय सहकारी संस्थाको कार्यवाहक अध्यक्ष अरुण रायमाझीको अध्यक्षतामा सम्पन्न शुभकामना आदानप्रदान कार्यक्रममा प्रमुख अतिथी बिमल कुमार ढकाल,व्यवस्थापक प्रकाश पौडेल  लगायत ,पुर्व संचालक समितिका पदाधिकारी ,वर्तमान संचालक समितिका सदस्यहरु,कर्मचारीहरु शेर धनी सदस्यहरुको  उपस्थिति रहेको थियो।