पालुङ जेसीज सप्ताह मंसिर २१ देखि

मकवानपुर । पालुङ जेसीजको जेसीज सप्ताह २०२५ मंसिर २१ गते आईतबारदेखि हुने भएको छ ।
थाहा नगरमा क्रियाशिल सामाजिक संस्था पालुङ जेसीजले शुक्रबार एक कार्यक्रमबिच जेसीज सप्ताह अन्तरगतको ७ दिन संचालन हुने कार्यक्रमको जानकारी गराईएको हो ।
पालुङ जेसीज बर्ष २०२५ का अध्यक्ष माधब कार्कीको अध्यक्षतामा भएको कार्यक्रममा कार्यकारिणी उपाध्यक्ष एवम् जेसीज सप्ताह मूल कार्यक्रम संयोजक अजित कार्कीले जेसीज सप्ताह अन्तरगत संचालन गरिने कार्यक्रमको बारेमा जानकारी गराएका थिए ।

मूल कार्यक्रम संयोजक कार्कीका अनुसार मंसिर २१ गते बिश्वराम पौडेलको संयोजकत्वमा थानाबजारमा जेसीज सप्ताहको उद्घाटन तथा जेसीज प्रशिक्षण कार्यक्रम, २२ गते संजिता बस्नेतको संयोजकत्वमा थाहा २ को मंगलेश्वर प्राबिमा भरतरत्न छात्रवृत्ति बितरण कार्यक्रम, २३ गते मिरा लटौलाको संयोजकत्वमा कालीदेबी प्राबि थाहा ११ मा कृष्णतारा न्यानो कपडा बितरण कार्यक्रम संचालन हुनेछ ।
त्यस्तै २४ गते मोनिका खत्रीको संयोजकत्वमा थाहा २ फाँटबजारमा स्लो बाईक रेस प्रतियोगिता, २५ गते राधाकृष्ण लामिछानेको संयोजकत्वमा सुन्दरीदेबी मा.बि. थाहा ७ डाँडाबासमा बित्तीय साक्षरता कार्यक्रम, २६ गते रबी कार्कीको संयोजकत्वमा पालुङ जेसीजका पूर्व अध्यक्षहरु र सदस्यहरुबिच मैत्रीपूर्ण भलिबल प्रतियोगिता हुने मूल कार्यक्रम संयोजक कार्कीले बताए ।
कार्कीका अनुसार २७ गते नबिना बिष्टको संयोजकत्वमा पालुङ गढीमा पिकनिक कार्यक्रमसहित जेसीज सप्ताह समापन कार्यक्रम हुनेछ । जेसीज सप्ताह कार्यक्रम संचालनका लागि उपाध्यक्ष बिकेश बाबू बस्नेतलाई सह मूल कार्यक्रम संयोजक चयन गरिएको छ ।
जेसीज सप्ताह कार्यक्रम सार्वजनिक कार्यक्रममा  नेपाल जेसीज बर्ष २०२५ का उपाध्यक्ष एवम् पालुङ जेसीजका पूर्व अध्यक्ष संगम कार्की, पालुङ जेसीज बर्ष २०२५ का महासचिब सुबिन्द्रमान प्रधान, कोषाध्यक्ष अजय कार्की, जनसम्पर्क अधिकारी कमल बिष्टलगायत कार्यसमिति पदाधिकारीहरुको उपस्थिति रहेको थियो ।