पालुङ जेसीजले “नैतिक शिक्षा आजको आवश्यकता” विषयक विशेष प्रशिक्षण दिने

मकवानपुर, थाहा नगरपालिका – पालुङ जेसीजले सुन्दर भविष्य निर्माणका लागि “नैतिक शिक्षा आजको आवश्यकता” विषयक विशेष प्रशिक्षण कार्यक्रम आयोजना गर्ने भएको छ।
‎थाहा नगरपालिका–३ स्थित जेसीज मार्गको सभाहलमा भाद्र ९ गते  सोमबार बिहान ११:०० बजे कार्यक्रम गर्ने भएको हो।
‎ कार्यक्रममा अन्तर्राष्ट्रिय ख्यातिप्राप्त प्रशिक्षक तथा प्रेरणादायी वक्ता रमन भट्टराईले प्रशिक्षण दिने छन।
‎
‎२५ वर्षभन्दा बढी अनुभवसहित जीवनशैली विज्ञका रूपमा परिचित भट्टराईले नेपाल तथा विश्वभर एक लाखभन्दा बढी विद्यार्थी, शिक्षक, कार्यकारी र नीतिनिर्माताहरुलाई नेतृत्व, सञ्चार, टोली निर्माण, सचेतना, तनाव व्यवस्थापन र सकारात्मक सोचबारे प्रशिक्षण प्रदान गर्नुभएको छ। उहाँले WHO, UNDP, WWF, नेपाल सेना, वर्ल्ड भिजन, राष्ट्रिय खेल टोलीहरू लगायत ५०० भन्दा बढी प्रतिष्ठित संस्थासँग कार्यक्रम सञ्चालन गरिसक्नुभएको छ।
‎
‎चारवटा प्रेरणादायी पुस्तकका लेखकसमेत रहेका भट्टराई “Yes I Can, Together We Can” भन्ने लोकप्रिय कार्यक्रमका प्रवर्तक हुनुहुन्छ। साथै, वातावरण संरक्षणको क्षेत्रमा सक्रिय आवाज रहनु भएका उहाँले नैतिक शिक्षाले समाज रूपान्तरणमा महत्वपूर्ण भूमिका खेल्ने भन्दै युवालाई सकारात्मक सोच र सशक्त नेतृत्वमा अघि बढ्न प्रेरित गर्ने अपेक्षा आयोजकको रहेको छ।
‎