पालुङ जेसीजको जेसीज सप्ताह उद्घाटन,के के छ सप्ताहव्यापी कार्यक्रम ?

पालुङ जेसीज बर्ष २०२४ को जेसीज सप्ताहको उद्घाटन भएको छ ।
शुक्रबार थाहा नगरपालिका वडा नं. २ को ऐतिहासिक पालुङगढीमा एक कार्यक्रमबिच जेसीज सप्ताह कार्यक्रम उद्घाटन गरिएको छ ।

पालुङ जेसीज बर्ष २०२४का अध्यक्ष निरज रायमाझीको अध्यक्षतामा भएका कार्यक्रममा थाहा नगरपालिकाका उपप्रमुख भरत गोपालीको प्रमुख आतिथ्यता रहेको थियो ।
कार्यक्रममा थाहा नगरपालिका वडा नं. २ का अध्यक्ष बमबहादुर सिन्तानको बिशेष आतिथ्यता रहेको थियो ।

उद्घाटन कार्यक्रममा जेसीज सप्ताह मूल कार्यक्रम संयोजक मानसिंदोङले सप्ताह अन्तरगत हुने कार्यक्रमहरुको बारेमा जानकारी गराएका थिए ।

जेसीज सप्ताह अतरगत मङ्सिर ९ गतेदेखि १४ गतेसम्म बिभिन्न ७ वटा कार्यक्रमको आयोजना गर्न लागिएको छ । मङ्सिर ९ गते विराज थापाको संयोजकत्वमा जनकल्याण माबि पालुङमा लक्ष्य निर्धारण तालिम कार्यक्रम गरिने छ ।
यसैगरी १० गते विश्वनाथ रायमाझीको संयोजकत्वमा प्रदिप जेसीज दौड प्रतियोगिता, ११ गते अजय कार्कीको संयोजकमा न्यानो कपडा वितरण कार्यक्रम, १२ गते रोशनी गोपालीको संयोजकमा पालुङ जेसीजको यस बर्षको प्रकरणमा आधारित माध्यमिक तह स्तरीय वक्तृत्वकला प्रतियोगिता, १३ गते रचना बस्नेतको संयोजकत्वमा ऋषेश्वर प्राबि दामनका बिद्यार्थीहरुलाई भरत–रत्न छात्रवृत्ति कार्यक्रम र १४ गते श्रीकृष्ण श्रेष्ठको संयोजकत्वमा मैत्रीपूर्ण जेसीज कप फुटबल प्रतियोगिता ईन्द्रायणीचौरमा हुनेछ ।

त्यस्तै १५ गते अञ्जय प्रधानको संयोजकत्वमा सप्ताहव्यापी कार्यक्रमको समापनका साथै सम्मान तथा पुरस्कार वितरण कार्यक्रम जेसीज सभाहलमा गरिनेछ ।

उद्घाटन कार्यक्रममा पालुङ जेसीजका पूर्व अध्यक्ष सानोभाइ कार्की, मनोज रायमाझी निवर्तमान अध्यक्ष संगम कार्की, २०२४ का बोर्ड पदाधिकारीहरु, कार्यक्रम संयोजकहरु, सदस्यहरुको उपस्थिति रहेको थियो ।