पालुङ जेसीजको आयोजनामा १५० भन्दा बढी विद्यार्थीको सहभागितासहित नैतिक शिक्षा सम्बन्धी प्रशिक्षण

पालुङ जेसीजको आयोजनामा विद्यार्थी हरुलाइ "सुन्दर भविष्य निर्माणका लागि नैतिक शिक्षा आजको आवश्यकता" विषयक विशेष कार्यक्रम सम्पन्न भएको छ ।

कार्यक्रम पालुङ जेसीजको सभाहल तथा जनकल्याण माबिमा सप्पन्न भएको हो। पालुङ जेसीजका अध्यक्ष माधव कार्कीको सभाध्यक्षता तथा नेपाल जेसिजका राष्ट्रिय उपाध्यक्ष तथा पालुङ जेसिजका पूर्वअध्यक्ष संगम कार्की प्रमुख आतिथ्यता रहेको थियो ।
कार्यक्रममा नेपाल पब्लिक क्याम्पस संघका कोषाध्यक्ष एवं पालुङ क्याम्पस प्रमुख राजन मिश्र विशिष्ट अतिथि रहनु भएको थियो । प्रशिक्षकका रूपमा रमन भट्टराईले जीवनमा सफल हुने तरिका, विद्यार्थी जीवनमा नैतिक शिक्षाको आवश्यकता र महत्त्व, ध्यान–योगमार्फत जीवनलाई सहज बनाउन सकिने उपाय, समय व्यवस्थापन, तनाव व्यवस्थापन तथा लक्ष्य निर्धारणबारे सहजीकरण गर्नु भएको थियो ।
त्यसैगरी २०२५ का कार्यकारिणी उपाध्यक्ष अजित कार्कीले जेसिज आस्था प्रस्तुत गर्नुभएको थियो भने अजय कार्कीले JCI Mission र Vision प्रस्तुत गर्नुभएको थियो । स्वागत मन्तव्य कार्यकारिणी उपाध्यक्ष स्मिता बिष्टले दिनु भएको थियो । कार्यक्रममा अतिथि पुर्व अध्यक्ष निरज रायमाझी,लायन्स क्लब थाहाका अध्यक्ष अनित बिष्टको समेत उपस्थिति रहेको थियो ।
सो अवसरमा २०२५ का कोषाध्यक्ष अजय कार्की, कार्यक्रम सञ्चालक सुबिन्द्रमान प्रधान लगायतका उपस्थिति रहेको थियो। कार्यक्रममा १५० भन्दा बढी विद्यार्थीहरुको सक्रिय सहभागिता रहेको कार्यक्रम संयोजक कमल बिष्टले जानकारी दिए।