पालुङ क्याम्पसको नवनिर्वाचित संचालक समितिको पहिलो बैंठक सम्पन्न,के के भयो निर्णय ?

पालुङ बहुमुखी क्याम्पसको २० औँ वार्षिकोत्सव  तथा परिषद सदस्य भेलाबाट  गत फाल्गुन ५ गते सर्वसम्मत चयन हुनुभएका पदाधिकारीहरुको पहिलो सञ्चालक समिति बैठक  फागुन ९ मंगलबार सम्पन्न भएको छ । 
 बैठकले क्याम्पसको विधान बमोजिम सल्लाहकारमा  थाहा नगरपालिकामा रहेको प्रमुख ५ दलका अध्यक्ष तथा प्रमुख व्यक्तिहरुलाई तथा निर्वमान अध्यक्ष सहितको ६ जनालाई यस क्याम्पसको सल्लाहकारमा नियुक्ति गर्ने निर्णय समेत पारित गरेको छ।
तेसैगरी बैठकले  उपाध्यक्षमा सुरेन्द्रमान प्रधान र कोषाध्यक्षमा विमलकुमार ढकाललाई सर्वसम्मत चयन गरेको सदस्य सचिब तथा क्याम्पस प्रमुख राजन मिश्रले जानकारी दिनुभएको छ।
 बैठकद्वारा ७ सदस्यीय सचिवालय समिति गठन गरेको छ, जसमा अध्यक्ष विष्णु  विष्ट,उपाध्यक्ष सुरेन्द्रमान प्रधान ,सदस्य सचिव राजन मिश्र,कोषाध्यक्ष  विमलकुमार ढकाल र सदस्यहरुमा सुर्दशन कार्की,केदार कार्की र सगुन कुमार ढकाल चयन गरियो ।
बैठकले उपसमिति गठन गर्दै तेस्को संयोजक समेत तोकेको छ ,जसअनुसार  भौतिक निर्माण समिति को संयोजक मनोज अधिकारी ,सदस्य केदार कार्की र सगुनकुमार ढकाल चयन गरियो । 
बैठकले क्याम्पसको विधान बमोजिमका पदेन सदस्यहरुमा थाहा नगर उधोग बाणिज्य संघका अध्यक्ष,वडा नं ३ का वडा अध्यक्ष, यस क्याम्पसका प्राध्यापक ईकाइका अध्यक्ष,स्व.वि.यु.का सभापति,त्रि.वि.का प्रतिनिधि , लाई पदेन सदस्य रहेको जानकारी गराउनुका साथै स्रोत मा.वि.का अध्यक्षहरु मध्ये एक जना र थाहा नगरमा रहेका सहकारी संस्थाका अध्यक्षहरु मध्ये एक जना गरि जम्मा २ जना पदेन सदस्य चयन प्रक्रियाको लागि चैत्र ४ गते क्याम्पसमा सहकारी तथा मा.वि. का अध्यक्षहरुको भेला गरि अन्तरक्रिया तथा छलफल मार्फत चयन गरिने सर्वसम्मत निर्णय गरियो ।

 २० औ परिषद भेला सभ्य र भव्यरुपमा सम्पन्न गर्न सहयोग गर्नुहुने प्रमुख अतिथि बागमती प्रदेशका सामाजिक विकास मन्त्री,थाहा नगरपालिकाका उपप्रमुख,राजनितिक दलका प्रमुख तथा प्रतिनिधि,वडा अध्यक्षहरु, विभिन्न संघ सस्थाका प्रमुख तथा प्रतिनिधि,अभिभावक, प्राध्यापक तथा कर्मचारी,पुर्व विद्यार्थी तथा विद्यार्थी,शिक्षा प्रेमी तथा  क्याम्पसलाई माया गर्ने व्यत्ति तथा व्यक्तित्वहरु शुभचिन्तक विषेश धन्यवाद ज्ञापन गरेको सदस्य सचिव मिश्रले बताउनुभयो।