पालुङमा आग्राबाट ल्याएको फूलपाती भित्र्याइयो।

फोटोहरु:-गणेश बिष्ट

बडा दशैको अवसरमा थाहा नगरपालिकाकको पालुङमा रहेको कोतघरमा सलामी सहित धुमधामका साथ  फुलपाति भित्राइएको छ । 

यस क्षेत्रमा मनाउने चाड मध्ये ऐतिहासिक महत्व बोकेको फूलपाती आग्राको चल्तीबाट स्थानिय अर्याल थरका  पुजारीले पालुङको फेदीगाउँ  सम्म ल्याईएको फूलपाती फेदीगाउँमा ७ जना कर्ताहरु मध्ये मगर थरका कर्ताले फूलपाती चौर सम्म बाजा गाजा सहित ल्याई फुलपाती चौरमा पुजा गरि बोकाको बलि दिई इलाका प्रहरि कार्यालय पालुङका प्रहरि निरिक्षक श्याम थापाको नेतृत्वमा खटिएको टोलीले बढाँई गरि पालुङको कोतघरमा फुलपाती भित्र्याईएको हाे ।

बडा दशैको पहिलो दिन कोतघरमा जमरा राखी घटस्थापना गरिएको परम्परालाई निरन्तरता दिदै सलामी सहित फुलपाति भित्र्याईएको छ ।
आग्राबाट ल्याएको फुलपाती पालुङ स्थित कोतघरमा भित्र्याए पछि स्थानियहरुले उक्त पाती आफ्नो घरमा लगि भित्र्याउने परम्परा रहेको छ । 
 परम्परागत रुपमा तत्कालिन जमिनदारहरुले शुरु गरि संचालनमा ल्याएको यो जात्रा पञ्चायतकालमा प्रधानपञ्चको नेतृत्वमा हुँदै आएको भए पनि राजनितिक परिवर्तन संगै देशमा बहुदल आएपछि तत्कालीन आर्थिक विकास सहयोग समितिले गर्दै आएको यो बढाइ  हाल इन्द्रायणी कालाभैरब संरक्षण समितिले सञ्चालन गरिरहेको छ । 

 थाहा नगर साँस्कृतिक रुपले धनि भएको र यसको जगेर्ना गर्नु हामी सबैको दायित्व भएकोले यसको सबैले जगेर्ना गर्नुपर्ने थाहा नगरपालिकाका प्रमुख बिष्णु  विष्टले थाहापाटीलाई बताउनुभयो ।

कोतघरमा भोलि राती कालरात्री पुजा हुनुको साथै पर्सि नवमीको दिन राँगो बलि दिई पुजा गरिन्छ साथै टिकाको दिन कोतघरबाट जमरा लगी दशैंको टिका लगाउने गरिन्छ ।