पर्वतीय वनस्पति उद्यान दामनमा अबदेखि प्रवेश शुल्क लाग्ने

वनस्पति अनुसन्धान केन्द्र, मकवानपुरले व्यवस्थापन गर्दै आइरहेको पर्वतीय वनस्पति उद्यान दामनमा पनि आज देखि प्रवेश शुल्क लाग्ने भएको छ । वनस्पति अनुसन्धान केन्द्र,मकवानपुरको प्रमुख रघुराम पराजुली,बैज्ञानिक अधिकृत चन्द्रकला ठाकुर र वनस्पति सहायक सागिर हुसेनले आज पर्वतीय वनस्पति उद्यान दामनमा स्थानीयहरुको भेला माझ एक  जानकारी मुलक कार्यक्रमको आयोजना  गराउदै वनस्पति उद्यान दामनमा आजकै मितिदेखी औपचारिक रुपमा बिबिध बिधाको प्रवेश शुल्क र सम्मानित वृक्षरोपणको कार्यबिधी वन नियमावली २०७९ अनुसार लागू गरिएको बताउनुभयो ।

बैज्ञानिक अधिकृत ठाकुर ले  गर विभिन्न बिधाहरुको टिकटको शुल्क,मापदण्ड र वन नियमावली २०७९ को प्राबधान बारेमा स्थानीयहरुलाई जानकार गराउनुभयो र आजकै दिन वनस्पति अनुसन्धान केन्द्र,मकवानपुरको प्रमुख पराजुलीको जन्मदिन परेको सु-अवसरमा प्रमुखले आफुलाई मनपर्ने बिरुवा लाली - गुराँसको बोट रोपि सेरेमोनियल प्लान्टेसन (सम्मानित वृक्षरोपण) योजनालाई वनस्पति उद्यान दामनमा औपचारिकता दिनुभएको छ। सम्मानित वृक्षरोपण कार्यक्रम नेपालको पर्वतीय वनस्पति उद्यान दामन र वृन्दावन वनस्पति उद्यान हेटौंडामा मात्र संचालन भएको कार्यक्रमका सभापति समेत रहनुभएका पराजुलीले सहभागीहरुलाई  जानकारी गराउनुभयो साथै  सम्मानित वृक्षरोपणको निम्ति प्रतिव्यक्ति शुल्क २ हजार रुपैयाँ तोकिएको र  यसरी उठाइएको शुल्कहरुबाट आन्तरिक राजस्व अनि वातावरणमैत्री पर्यटनमा पनि वृद्धि हुने बताउनुभयो ।

कार्यक्रममा थाहा होटेल संघको अध्यक्ष शिव कुमार केसी,सिमभन्ज्याङ बजार व्यवस्थापन समितिको अध्यक्ष डेनि श्रेष्ठ लगायत स्थानीय पर्यटन व्यवसायीहरूको उपस्तिथि रहेको थियो। 

उद्यान भित्र प्रवेश गर्दा  लाग्ने शुल्क तलको तालिकामा हेर्नुहोस्।