नेपाल दलित मुक्तिमोर्चा थाहाको बृहत छलफल

नेपाल कम्युनिस्ट पार्टी माओवादी निकट नेपाल दलित मुक्तिमोर्चा थाहा नगर कमिटीको बैठक तथा नगर भित्रको दलित समुदायको समस्यालाई कसरी समाधान गर्ने भन्ने बिषयमा थाहा ३ बिकास घरमा छलफल भएको छ।
माघ २३ गते  भएको दलित अगुवाहरु बिचको छलफल कार्यक्रममा दलित मुक्तिमोर्चा थाहा नगर अध्यक्ष पहलमान परियारको सभापतित्व तथा दलित मोर्चाका मकवानपुर जिल्ला संयोजक जमिन दियालीको प्रमुख आतिथ्यमा कार्यक्रम सम्पन्न भएको हो। छलफल कार्यक्रममा थाहा वडा न २को महिला सदस्य सिर्जना बिक,थाहा दलित मोर्चा इन्चार्ज अर्जुन सुनार लगाएतको आतिथ्यता तथा नगरका वडा दलित सहकर्मीहरुको सहभागिता रहेको थियो।
 दलित समुदाय हुने जातीय हिंसाको बिरुद्ध कानुनी रुपमा लड्नु नै मुख्य मुद्दामा भएको कार्यक्रममा पुर्ब दलित सहकर्मी रामलाल सुनारले बताएका छन ।दलित समुदायमा दलित भित्र कुनै विभेद गर्न नहुने उनले बताए ।
कार्यक्रमले  दलित समुदायमा शिक्षाको अवस्थामा सुधार्न समुदायमा उच्च शिक्षा सम्म पढ्न प्रोत्साहन र सहयोगी भुमिका खेल्ने तथा संबंधित निकायमा समन्वय गर्ने ,स्वास्थ्य सुधारका निम्ति नगर भित्रका सबै दलित समुदायलाई स्वास्थ बिमा कार्यक्रम गराउन नगर संग समन्वय गर्ने  तथा नगर भित्रका दलित समुदायको रोजगारी तथा सीप बिकासको निम्ति आधुनिकीकरण अभियान सुचारु गर्न राज्य र दलित समुदायलाई प्रोत्साहन कार्यक्रम ल्याउन संबंधित निकाय संग पहल गर्ने निर्णय भएको छ।