निर्माणाधीन चित्लाङ स्वास्थ्य चौकी भवनको समिक्षा बैठक सम्पन्न

थाहा नगरपालिकाको वडा न ९ चित्लाङमा निर्माणाधीन स्वास्थ्य चौकी भवनको प्रगति विवरण तथा कार्य समिक्षा बैठक सम्पन्न भएको छ।
थाहा नगरपालिका वडा न ९ का अध्यक्ष राजकुमार बलामीको अध्यक्षतामा सम्पन्न कार्यक्रममा थाहा नगरपालिकाका नगर प्रमुख बिष्णु बिष्ट,प्रमुख प्रशासकिय अधिकृत कृष्ण गिरी,च्वाइस नेपालका कन्ट्री डाइरेक्टर प्रतीक शर्मा लगायतका उपस्थिति रहेको थियो।
 च्वाइस नेपालका जिल्ला संयोजक सुकराम दुलाल,पालुङ टिम लिडर प्रताप घिमिरे,इन्जिनियर प्रकाश श्रेष्ठले सहजीकरण गरेको समिक्षा बैठकमा बोल्दै नगर प्रमुख बिष्णु बिष्टले गुणस्तरी रुपमा  समयमा कार्य सम्पन्न गर्न निर्माण सहयोग समिति लाई आग्रह गर्दै, कुनै ब्यक्तिगत लाभमा केन्दि्त‌ हुन नहुने कुरामा‌ जोड दिदै स्वास्थ्य चौकीको दिगो संचालन तथा यसबाट प्रवाह हुने सेवा तथा यसको गुणस्तरमा जोड दिनुभयो।
तेसैगरी थाहा नगरपालिकाका प्रमुख प्रशासकिय अधिकृत कृष्ण गिरीले भएका समस्याहरु पार लगाउदै समयमा भवन सम्पन्न गरि सेवा प्रदान गर्न थाहा नगरपालिकाको पुर्ण साथ रहेको बताए।
च्वाइस नेपालका कन्ट्री डाइरेक्टर प्रतीक शर्माले 
निर्माणाधीन स्वास्थ्य चौकिको भवन निर्माण समयमा सम्पन्न भए पश्चात्  यस बाट प्रदान गरिने सेवा र सुबिधा गुणस्तरीय बनाउन नगर बाट थप योजना बनाउन आग्रह गर्दै  डाक्टर  वा बिषेशज्ञ सहितको सेवा प्रदान गर्न सक्ने योजना भएमा‌ च्वाइस नेपालको तर्फ बाट औजार तथा उपकरणका लागि नया योजना निर्माण गर्न सकिने कुरामा बिश्वस्त हुन आग्रह गरे ।
वडा अध्यक्ष बलामीले यस निर्माणका क्रममा देखिएका समस्या तत्काल‌ समाधान गरि बाकी कार्य समयमानै  सम्पन्न गर्न पुर्णरुपमा लागि पर्ने जानकारी गराउदै  भवनमा अस्पताल तहको सुविधा उपलब्ध गराउन नगर पालिका समक्ष आग्रह गर्नुभयो।
कार्यक्रममा भवन निर्माण समितका‌ अध्यक्ष बाट सहयोगि संस्था नगरपालिका तथा स्थानिय सबैलाइ‌ धन्यवाद प्रदान गरेका थिए ।

कूल २ करोड ९ हजार ४७० रुपैयाँ लागतमा निर्माण हुने स्वास्थ्यचौकी भवनको लागि च्वाइस नेपालको १ करोड ५० लाखका साथै बाँकी रकम थाहा नगरपालिका र स्थानीय जनश्रमदानबाट लगानी हुनेछ ।