नव जागृत पुस्तकालयले मनायो १५औं राष्ट्रिय पुस्तकालय दिवस,

थाहा नगरपालिकामा अवस्थित जिल्लाकै पुरानो पुस्तकालय नवजागृत पुस्तकालयले १५ औं राष्ट्रिय पुस्तकालय दिवसको अवसरमा मङ्गलबार विचार गोष्ठी तथा चियापान आयोजना गरेको छ । पुस्तकालयका अध्यक्ष मधुसूदन रायमाझीको अध्यक्षतामा  उक्त विचार गोष्ठी भएको थियो ।
कार्यक्रममा अध्यक्ष रायमाझीले जनतालाई शिक्षित र देशलाई समृद्ध बनाउने उद्देश्यले पुस्तकालय दिवस मनाउनुपर्नेमा जोड दिनुभयो । पुस्तकालय भनेको ज्ञानको भण्डार हो भन्दै अध्यक्ष रायमाझीले  पुस्तकालय अझै व्यवस्थापन हुन बाँकी रहेको बताउनुभयो ।
नगरमा भएको यश पुस्तकालयलाई  व्यापक सदुपयोग गर्नुपर्ने औँल्याउँदै सहभागी हरुले पुस्तकालय व्यवस्थापकहरूको स्तरवृद्धि र पुस्तकालय व्यवस्थित सञ्चालनको लागि नगरपालिकाले प्राविधिक तथा आवश्यक सहयोग गर्नुपर्नेमा जोड दियका थिय।

विसं २०२५ मा स्थापित उक्त पुस्तकालय मकवानपुरकै अग्रणी पुस्तकालयमध्येमा पर्छ । पंचायतकालको प्रतिकूल समयमा पुस्तकालय स्थापना भएका कारण पनि यसको अलग्गै पहिचान र गरिमा छ । यस क्षेत्रको शैक्षिक, सामाजिक, सांस्कृतिक र राजनीतिक जागरणको केन्द्रको रुपमासमेत नवजागृत पुस्तकालयलाई लिने गरिन्छ ।
कार्यक्रमको अवसरमा पुस्तकालयको साधारणसभा भाद्र ३० गते पुस्तकालयको स्थापना दिवसको अवसरमा पुस्तकालयमा दिउँसो २ बजे गर्ने निर्णय गर्दै सदस्यहरुलाइ आफ्नो सदस्यता नविकरण गर्न अनुरोध गरियको छ।