नवजागृत पुस्तकालयले मनायो १७ औं पुस्तकालय दिवस

निरन्तर शिक्षाका लागि पुस्तकालय’ नाराका साथ १७ औं पुस्तकालय दिवस विभिन्न कार्यक्रम गरि मनाइएको छ । पुस्तकालयका क्षेत्रमा भएका गतिविधि एवं पुस्तकालयको आवश्यकताबारे जानकारी गराउने उद्देश्यका साथ नेपालमा २०६५ भदौ १५ गतेदेखि औपचारिक रुपमा दिवस मनाउन थालिएको हो । 

दिवसका अवसरमा थाहा नगरपालिका शिखरकोटमा रहेको जिल्लाकै पुरानो र हालसम्म जिवित पुस्तकालय नवजागृत पुस्तकालयले  विशेष कार्यक्रमको आयोजना गरेको हो  । 
पुस्तकालयलाई प्रविधिमैत्री बनाएर अघि बढ्न आवश्यक रहेको कार्यक्रमका सहभागी हरुले उल्लेख गरे।

नवजागृत पुस्तकालयले " एक व्यक्ति एक पुस्तक" अभियान समेत चलाइरहेको सन्दर्भमा पत्रकार कुमार नेगि,श्रीराम कार्की,रेम्स रायमाझी,बारुद रायमाझी  द्वारा अभियान लाई सहयोगार्थ पुस्तक हस्तान्तरण गरेका थिए ।
अन्तरक्रियात्मक कार्यक्रममा पुस्तकालयको सञ्जाल निर्माण, पुस्तकालयलाई आधुनिक र प्रविधिमैत्री बनाईनुपर्ने, पुस्तकालय संवन्धि कानून निर्माण, नमूना पुस्तकालय निर्माण, पुस्तकालयमा जनशक्ति व्यवस्थापन, नगर स्तरिय पुस्तकालय समन्वय समितिको  आवश्यकता, नगरभित्र भएका पुस्तकालयहरुको अध्ययन तथा अनुसन्धानका साथै अभिलेखिकरण हुनुपर्ने लगायतका विषयमा छलफल भएको थियो।

कार्यक्रममा बोल्दै नेकपा एमाले थाहा नगर अध्यक्ष  सुरेन्द्रमान प्रधानले समयको परिवर्तन अनुसार  पढ्ने संस्कृतिमा परिवर्तन आएको बताउँदै उनले पछिल्ला पुस्ता नविनतम प्रविधिमा रमाउन थालेकाले  पुस्तकालयप्रति आकर्षण घट्दै गएको बताए ।

तेसै गरि पत्रकार कुमार नेगिले समयको परिवर्तनसँगै अबका पुस्तकालयमा युवा पुस्ताको माग अनुसार पुस्तक तथा पाठ्य सामाग्री राखिनु जरुरी भएको बताउदै उनले भने, “सूचना प्रविधिका क्षेत्रमा आएको परिवर्तनलाई आत्मसात गर्दै पाठ्यपुस्तकलाई डिजिटलाइज गर्नुपर्नेमा जोड दिए।

तेसैगरी जनकल्याण माध्यमिक विद्यालयका प्रधानाध्यापक सानोभाइ कार्कीले पुस्तकालयमा पाठक बढाउनको निम्ति विद्यालयमा  अध्यनरत विद्यार्थी हरुलाइ पुस्तकालयको महत्वको बारेमा अभिमुखिकरण गर्नुपर्ने बताउनुभयो।
माओवादी जिल्ला सदस्य अरुण रायमाझीले पुस्तकालयको भौतिक संरचना पनि बसौं बसौं पढौं पढौं लाग्ने किसिमको हुनुपर्नेमा  जोड दिदै  पाठकलाई अधिकतम जोड्ने गरी पुस्तकालयको विकास गरिनुपर्ने बताए।

पुर्व अध्यक्ष मधुसूदन रायमाझीले मकवानपुर जिल्लामै दुइवटा पुस्तकालय जिवित रहेको र त्यसमध्य थाहामा रहेको नवजागृत पुस्तकालय पनि पर्ने हुदा ५६ बर्षको गौरवपुर्ण इतिहास बोकेको यस  पुस्तकालयको संरक्षणमा युवा पुस्ताले देखाएको चासोले आफू हर्षित भएको बताए।
माओवादी केन्द्रका नगर अध्यक्ष बिनोद कुमार लामाले इतिहासको जगेर्नाका साथै समाज परिवर्तनको महत्वपूर्ण आधार भएको पुस्तकालयलाई थप व्यवस्थित गर्दै थाहा नगर  र आसपासका क्षेत्रको शैक्षिक तथा सामाजिक पहिचानलाई कायमै राख्न  पुस्तकालयले जोड दिनुपर्ने बताउनुभयो।

नवजागृत पुस्तकालयका अध्यक्ष सुमन बिष्टको अध्यक्षता तथा वडा न ३ का अध्यक्ष हिरेन्द्र कुमार रायमाझीको प्रमुख आतिथ्यतामा सम्पन्न कार्यक्रममा दामन रेडक्रसका सभापति मनश्याम बस्नेत,माओवादी केन्द्र थाहा नगर अध्यक्ष बिनोद कुमार लामा,जनकल्याण माबिका अध्यक्ष राजिब कुमार स्याङ्तान,पुस्तकालयका निवर्तमान अध्यक्ष मधुसूदन रायमाझी,माओवादी केन्द्रका जिल्ला समन्वय समिती सदस्य अरुण रायमाझी,पत्रकारहरु कुमार नेगी,सुरज कुमार भुजेल,शम्भु अधिकारी,फोटो पत्रकार गणेश बिष्ट,फरक सोचका संयोजक यादव रायमाझी,जनकल्याण माबिका प्रधानाध्यापक सानोभाइ कार्की,पालुङ क्याम्पसका प्रमुख राजन मिश्र,पुस्तकालय ब्यवस्थापन समितिका पदाधिकारीहरु लगायतका उपस्थिति रहेको थियो।

कार्यक्रममा अतिथिहरुलाई पुस्तकालयका सदस्य शम्भु अधिकारीले स्वागत गरेका थिए भने पुस्तकालयका सचिब राजकुमार कार्कीले कार्यक्रम संचालन गरेका थिए।

जनतालाई शिक्षित र राष्ट्रलाई समृद्ध बनाउने उद्देश्यले नेपालमा पुस्तकालय दिवस मनाउन थालिएको हो । नेपालमा औपचारिक रूपमा १८६९ भदौ १५ गते पुस्तकालय सेवा प्रारम्भ भएको दिनलाई ऐतिहासिक उपलब्धिको रूपमा स्मरण गर्दै पुस्तकालय दिवस मनाइन्छ । 

नेपालमा संस्थागत रूपमा पुस्तकालयस्थापना भएको २०० वर्षभन्दा लामो इतिहास रहेको छ