नयाँ बर्ष २०२३ को रौनक,लियोको परिषद बैठक थाहामा,सयौंको संख्यामा युवाहरू आउदै,

थाहा नगर पुस ११/ मकवानपुरको पर्यटकीय नगरी थाहा नगरपालिकामा अङ्ग्रेजी बर्ष २०२३ को पुर्व सन्ध्यामा सयौंको संख्यामा युवाहरु थाहा नगरपालिका मा आतिथ्यता गर्न आउने भएक छन।लियो क्लब जिल्ला परिषद ३२५ एम नेपालले आफ्नो दोश्रो जिल्ला परिषद बैठक थाहा नगरमा आयोजना गर्ने निर्णय गरेसंगै लियोमा आवद्द युवाहरु थाहा नगर आउन लागेका हुन । लियो क्लव अफ पिस थाहा नगरको आतिथ्यतामा आगामी पुस १५ र १६ मा लियो जिल्ला परिषद ३२५ एम नेपालको दोश्रो परिषद बैठक हुन लागेको हो। बैठकको तयारी तिव्र पारियको आतिथ्य क्लवका कार्यक्रम संयोजक कमल बिष्टले थाहापाटी लाई जानकारी दिए।बिष्टका अनुसार बैठक जेसिज सभाहलमा हुने छ। अङ्ग्रेजी नया बर्ष २०२३ को अवसर र प्राकृतिक सौन्दर्यले भरीपुर्ण नगरमा परिषद बैठकको आयोजना हुन लागेकोले सहभागी हरुलाइ यो बैठक बिशेष अवसर हुने आयोजकले बिश्वास लियको बैठक कार्यक्रमका उपसंयोजक रोसनी गोपालीले बताइन । सहभागीहरुलाइ थाहा नगरका सुविधायुक्त होटलमा बस्ने व्यवस्था मिलाइयको तथा चिसो मौसम र हिउँ पर्ने संभावना भएकोले अतिथिहरु लाई न्यानो कपडाको जोहो गरि आउन भनियको लियो क्लवका नगर सचीव शिशिर कुमार खत्रीले थाहापाटी लाई जानकारी दिनुभयो। परिषद बैठकको अवसरमा पिस परेड,स्थानीय कला संस्कृतिको प्रदर्शनी र दृश्यावलोकनका कार्यक्रमहरु पनि राखियको लियो क्लव अफ पिस थाहा नगरका सन २०२२-०२३ का अध्यक्ष निशा बिष्टले जानकारी दिइन। लायन्स क्लव अफ थाहा पिसको सौजन्यमा पाँच बर्ष अघि स्थापित सो क्लवले यश अघिपनी लियो क्लव जिल्ला परिषद आतिथ्यता गर्ने अवसर पाइसकेको छ।