नमुना युवा संसद तथा युवा नगरसभाको अभ्यास तालिम थाहामा सुरु।

युवा तथा खेलकुद मन्त्रालय ,राष्ट्रिय युवा परिषद जिल्ला युवा समितिको समन्वयको ब्यबस्थापन तथा थाहा नगरपालिकाको आयोजनामा चारदिने नमुना युवा संासद कार्यक्रम तथा नमुना युवा नगरसभाको अभ्यास सम्बन्धि तालिम आजबाट पालुङ्ग जेसिजहलमा सुरु भएको छ।
तालिम उद्घाटन गर्दै प्रमुख अतिथी थाहा नगर प्रमुख बिष्टले नमुना मात्र होइन भबिस्यमा थाहा नगरकै मेयर हुने प्रशिक्षण लिनु शुभकामना  दिदै थाहामा धेरै युवाहरुको समस्या दुर्ब्यसनी  बिकराल रुपमा रहेको औल्याउँदै दुर्ब्यसनी बढे सङ्गै थाहा नगरलाइ चुनौती पनि थपियकोले युवाहरु लाई  रुपान्तरण गर्ने कार्यक्रम आबश्यक रहेको बताउनुभयो ।
उद्घाटन कार्यक्रम लाई शुभकामना दिदै नगर उपप्रमुख भरत गोपालीले चारदिने तालिमले नगरका युवाहरुमा रुपान्तरण हुन सहज तुल्याउने आस ब्यक्त गरे ।
थाहा नगर सामाजिक बिकास संयोजक दिनेश बलको अध्यक्षतामा सप्पन्न उद्घाटन समारोहमा वडा न १२ का अध्यक्ष टिकाराम स्याङ्तान,६ का राजेन्द्र भक्त श्रेष्ठ ,९ का राजकुमार बलामी ,जिल्ला युवा समिति मकवानपुरका अध्यक्ष शिवहरी दाहाल ,पालुङ्ग जेसिजका पुर्व अध्यक्ष सुरेन्द्रमान प्रधान,सामाजिक बिकास शाखा प्रमुख अनिल लामिछाने ,पत्रकार शम्भु अधिकारी लगायतका उपस्थिति रहेको थियो।
राष्ट्रिय युवा परिषदका प्रशिक्षक अशोक खनाल तथा सहायक प्रशिक्षक मुना तिवारीले प्रशिक्षण दिनुहुने तालिममा थाहा नगरका वडा युवा क्लबका युवाहरुको सहभागीता रहेको छ।