नगर प्रमुख बिष्ट द्वारा पालुङ प्राधिकरणका प्रमुख न्यौपानेलाई स्वागत:-नगरको विद्युत समस्या बारे छलफल

नेपाल विद्युत प्राधिकरण पालुङ वितरण केन्द्रमा भख्खर आउनुभएका प्रमुख माधव न्यौपानेलाई थाहा नगरपालिकाका नगर प्रमुख बिष्णु बिष्टले थाहा  स्वागत गर्नुभएको छ।
नगर प्रमुख बिष्टको कार्यकक्ष थाहा नगरपालिकाको कार्यालयमा असोज २५ मा न्यौपानेलाई स्वागत गरेका हुन।
 स्वागत पश्चात नगर प्रमुख बिष्ट र पालुङ वितरण केन्द्रका प्रमुख न्यौपाने बिच थाहा नगरपालिका भित्र रहेको विद्युत आपूर्तिको समस्या बारे छलफल भएको नगर प्रमुखका स्वकिय सचिव इच्छापुर्ण कार्कीले जानकारी दिए।
कार्किका अनुसार भेटमा मातातिर्थ मार्खु ३३ केभिए प्रशारण लाइन,मार्खु पालुङ फाट बजार ३३ केभिए लाइन,थाहा नगरपालिका शीत भण्डारमा ५०० केभिएको ट्रान्सफर र नगरभित्र संचालनमा रहेको लिफ्टिङ खानेपानी आयोजनामा विद्युतको समस्या बारेमा छलफल भएको कार्कीले बताए।
छलफलमा थाहा नगरपालिका भित्र देखिएको विद्युतीय समस्या समाधानको लागि आफू कटिबद्ध भएर कार्य गर्ने पालुङ बितरण केन्द्रका प्रमुख माधव न्यौपानेले बताएको स्वकीय सचिब कार्कीले जानकारी दिनुभयो।

न्यौपाने धादिङ वितरण केन्द्रबाट सरुवा भएर पालुङ आएकाहुन ।न्यौपाने यसअघि गोरखा,तनहुँ तथा मेलम्चीमा प्रमुख भइ कार्य गरिसकेका छन।