द भ्वाइस किड्सको उपाधी मकवानपुरे जेनिस उप्रेतिलाइ ।

सुमधुर स्वरका धनी जेनिश उप्रेती ले नेपालको पहिलो द भ्वाईस अफ किड्सको उपाधी उचालेका छन ।  हिमालय टेलिभिजनबाट प्रशारण भईरहेको नेपालकै चर्चित रियालिटी सो द भ्वाइस अफ किड्सको भर्खरैं सम्पन्न द भ्वाइस अफ किड्स सिजन वानको फाईनलमा जेनिशले द भ्वाईस अफ किड्सको उपाधी जित्न सफल हुनुभएको हो ।  सिजन वानमा शुरु देखि नै दमदार प्रस्तुति दिदै दर्शक तथा कोचको मन जित्दै आएका मकवानपुरे जेनिस उप्रेती नेपालको पहिलो भ्वाईस अफ किड्स बन्न सफल हुनुभएको हो । जेनिशले द भ्वाईस अफ किड्सको ट्रफी सङ्गै नगद १५ लाख र अन्य धेरै नगद विभिन्न पुरस्कार प्राप्त गर्नुभएको छ । दर्शकको भोटको आधारमा टिम प्रमोदमा रहनु भएका जेनिशले उपाधी चुम्न सफल हुनुभएको हो । दर्शकले गरेको भोटको आधारमा जेनिश गत शाता उत्कृट ८ मा पर्नुभएको थियो ।  द भ्वाईस अफ किड्सको उपाधी जितेपछि  जेनिशले दर्शक र निर्णायकलाई आभार व्यक्त गर्नुभएको छ ।  को हुन् जेनिस ? जेनिसको जन्म विस २०६७ सालमा हेटौंडा उपमहानगरपालिका वडा नं. १९ बस्तिपुरमा भएको हो । उहाँको आमा केही महिना अघि मात्रै क्यान्सरसंगै कोरोनाको कारण मृत्यु भएको थियो । जेनिशको बुवा बैदेशिक रोजगारीमा खाडी मुलुकमा हुनुहुन्छ । चार बषकै उमेरमा गीत गाउन शुरु गर्नुभएको जेनिस अहिले ११ बर्षको हुनुभयो । जेनिशका बुबाु रोजगारीको शिलशिलामा कुवेतमा बिगत १० बर्षदेखि सवारी चालकको रुपमा कार्यरत हुनुहुन्छ । सानै उमेरमा आमाको साथ गुमाएका जेनिस अहिले काका रेमश उप्रेतीसंगै चितवनमा बस्दै आउनुभएको छ । उहाँ अहिले चितवनको मोडन र्बोडिङ स्कुलमा कक्षा ६ मा अध्ययनरत हुनुहुन्छ ।  जेनिशका अभिभावक रमेश उप्रेतीका अनुसार जेनिशले ४ बर्षको उमेर विद्यालयमा अविभावक भेलामा गीत गाउन शुरु गर्नुभएको थियो । द भ्वाइस अफ किड्सको छोटो सयममा नै कोच फर्काउन सफल भएका जेनिस पहिलो सिजनको प्रमुख उपाधि दाबेदारका रुपमा परिचीत हुनुहुन्थ्यो । उहाँले ब्ल्याण्ड राउण्डमा उदित नारायण झा र दीप नारायण झाको स्वरमा रहेको “ए मरो हजुर” बोलको गीत गाउँदै चारैजना कोचलाई आफूतिर फर्काउनु भएको थियो । त्यस्तै ब्याटल राउण्डमा जेनिसले दिप्सन खत्री र निमेश शर्मालाई पछि पार्दै लाइभ राउण्मा प्रवेश गनुभएको थियो ।  जेनिशले ब्याटल राउण्डमा उदित नारायणकै स्वरमा रहेको “यो गाउँको ठिटो म” बोलको गीत गाउनु भएको थियो । पछिल्लो लाईभ राउण्डमा प्रमोद खरेलले गाउनु भएको .....यो कुरा गोप्य नैं राखौंला .... बोलको गित गाउनु भएको थियो भने सेमिफाईनल राउण्डमा जेनिशले आनन्द कार्कीले गाउनु भएको जनम जनम ज्युउला संगैं .... बोलको गित गाउनुभएको थियो । फाईनल राउन्डमा भने जेनिशले नारायण गोपालको गल्ती हजार हुन्छन् .... बोलको गित गाएर लाखौ दर्शकको मन जित्नुभएको थियो । हेटौडामा जन्मेको दुई बर्षमा जेनिशलाई आमाले झापा मामाघर लिएर जानु भएको थियो । त्यसपछि जेनिशको करिब ८ बर्ष मामाघरमै बित्यो । सोही क्रममा जेनिशले संगीतको कक्षा पनि लिनुभएको थियो । जेनिसका अभिभावक रमेश उप्रेतीका अनुसार जेनिशले संगीत सिक्न थालेको चार बर्ष भइसकेको छ । जेनिशको संगीतमा लगाब भने ४ बर्षको उमेरदेखि नै थियो ।  थाहा नेपाल डट कम