बलिउडका हि म्यानको अवसान संगै एक युगको अन्त

दाबा सेर्पा,दामन/ मुंबई, २४ नोभेम्बर २०२५ - बलिउडका महानायक धर्मेन्द्रको आज ८९ वर्ष उमेरमा मुम्बईस्थित आफ्नै जुहु निवासमा निधन भएको छ। उनी केही दिनअघि दक्षिण मुम्बईको Breach Candy Hospital मा भर्ना भएका थिए र १२ नोभेम्बरमा डिस्चार्ज भएका थिए। उनको अन्तिम संस्कारमा परिवारका सदस्यहरू सनी देओल, बॉबी देओल, पत्नी हेमा मालिनी, साथै बलिउडका महानायक अमिताभ बच्चन, शाहरुख खान, आमिर खानलगायत दर्जनों कलाकार उपस्थित थिए। प्रधानमन्त्री नरेन्द्र मोदीले आमाजिक सञ्जालमार्फत श्रद्धाञ्जली अर्पण गर्दै भने. "भारतीय सिनेमाले आफ्नो अमर नायक गुमाएको छ।"
‎
‎प्रारम्भिक जीवन
‎
‎धर्मेन्द्रको जन्म ८ डिसेम्बर १९३५ मा पंजाबको लुधियाना जिल्लाको नसराली गाउँमा भएको हो। उनको वास्तविक नाम धर्मेन्द्र केवलकृष्ण देओल हो। उनी एक परम्परागत जाट सिख परिवारमा जन्मिएका थिए। बाल्यकालमा उनले ललटन कलानको सरकारी उच्च माध्यमिक विद्यालयमा अध्ययन गरे र पछि रामगढ़िया कलेज, फगवारामा इन्टरमेडिएटसम्म पढ़े। औपचारिक शिक्षा १२ कक्षापछि रोकिए पनि चलचित्रप्रतिको उनको लगावले जीवनलाई नयाँ दिशा दियो। भारतीय सिनेमामा "ही-म्यान" भनेर चिनिने धर्मेन्द्रले करिब छ दशक लामो अभिनय यात्रामा ३०० भन्दा बढी चलचित्रमा अभिनय गरेका थिए।

दावा सेर्पा दामन हाल दुबई 
‎
‎चलचित्र यात्रा
‎
‎धर्मेन्द्रले १९६० मा फिल्म दिल भी तेरा हम भी तेरे बाद बलिउडमा प्रवेश गरे। १९६६ मा आएको फूल और पत्थर ले उनलाई स्टारड्रममा पुयायो। उनले शोले (१९७५), सत्यकाम (१९६९), चुपके चुपके (१९७५), धर्म वीर (१९७७), अनुपमा (१९६६) जस्ता कालजयी चलचित्रमा अभिनय गरेर दर्शकको मन जिते।
‎
‎पारिवारिक जीवन
‎
‎धर्मेन्द्रले पहिलो विवाह प्रकाश कौरसँग १९५४ मा गरेका थिए। उनीहरूका छोराहरू सनी देओल र बॉबी देओल बलिउडका चर्चित अभिनेता हुन्। १९८० मा धर्मेन्द्रले अभिनेत्री हेमा मालिनीसँग विवाह गरे। उनीहरूका छोरीहरू ईशा देओल र अहना देओल हुन् ।
‎
‎राजनीति र अन्य योगदान
‎
‎धर्मेन्द्र केवल अभिनेता मात्र होइन, राजनीतिमा पनि सक्रिय थिए। उनले २००४ देखि २००९ सम्म राजस्थानको बिकानेर क्षेत्रबाट लोकसभा सांसदको रूपमा सेवा गरे। उनले निर्माण र उत्पादनमा क्षेत्रमा पनि अनुभव बटुलेका थिए।
‎
‎पुरस्कार र सम्मान
‎
‎धर्मेन्द्रलाई २०१२ मा पद्म भूषण प्रदान गरिएको थियो।
‎उनले फिल्मफेयर अवार्डसहित दर्जनों सम्मान प्राप्त गरेका छन् ।
‎
‎विरासत
‎
‎धर्मेन्द्रको सरलता,आत्मीयता र बहुआयामिक अभिनयले उनलाई भारतीय सिनेमाको अमर नायक बनाएको छ। उनी एक्शन, रोम्यान्स र हास्य सबै भूमिकामा समान रूपमा लोकप्रिय थिए। उनका छोराहरू र परिवारले उनको विरासतलाई निरन्तरता दिइरहेका छन् ।