दोहोरो सुबिधा लिइरहेका हरुको सामाजिज सुरक्षा भत्ता कटौती गर्दै थाहा नगर।(हेर्नुस कार्यपालिका बैठकको निर्णय)

थाहा नगरपालिकाले  सामाजिक सुरक्षा भत्ता बितरण नितिमा परिमार्जन गर्न , दोहोरो सुबिधा लिई रहेकाहरुको सामाजिक सुुरक्षा भत्ता कटौती गर्न कार्यपालिका बैठकमा छलफल गरेको छ । 
८ जेठमा नगरको कार्यपालिका बैठकमा सरकारी निकायबाट तलब, भत्ता, पेन्सन वा कुनै पनि मासिक सुबिधा पाईरहेकाहरुले सामाजिक सुरक्षा भत्ता नपाउने छलफल भएको नगरका प्रवक्ता हेरमान गोपालीले जानकारी दिए ।
थाहा नगरपालिकाबाट जेष्ठ नागरिक, अपांग, बिधवा र एकल व्यक्ति गर करिब २ सय २७ जनाले सामाजिक सुरक्षा भत्ता सहित दोहोरो सुबिधा  लिइरहेको पाइएको छ । उक्त भत्ता नगरका विभिन्न सरकारी तथा निजि बैंकहरु मार्फत बितरण हुदै आएको छ ।

अब वडा कार्यालयबाटै दोहोरो सेवा लिईरहेकाहरुको लगत कट्टा हुने गरी काम थाल्न कार्यपालिकाले निर्णय गरेको प्रवक्ता गोपालीले जानकारी दिए।
थाहा नगरपालिका पञ्जिकरण शाखाले दिएको जानकारी अनुसार नगरमा अति अशक्त भत्ता र पेन्सन दुवै भत्ता बुझ्ने ४ जना,जेष्ठ नागरिक र एकल महिला दुवै भत्ता बुझ्ने १४ जना,जेष्ठ नागरिक दलित र पेन्सन बुझ्ने ६ जना,जेष्ठ नागरिक र  ७० बर्ष माथी दुवै बुझ्ने १६९ जना,पुर्ण अपाङ्गता तथा पेन्सन दुवै भत्ता बुझ्ने २ जना ,बिधवा भत्ता र पेन्सन दुबै भत्ता बुझ्ने ३२ जना रहेको जानकारी दिएको छ।
तेसैगरी आजको बैठकले मिडिया एजेन्सीहरुलाई दिइने ठेक्का बन्दोबस्ती तथा टेन्डर आह्वानका सुचना आगामी बर्ष देखि एकद्वार प्रणाली अन्तर्गत सरकारी छापामाध्यम गोरखापत्रमा मात्र प्रकाशित गर्ने निर्णय गरेको छ भने दामनमा अवस्थित भ्यु टावर लाई टेण्डर आह्वान गर्ने निर्णय गरेको प्रवक्ता हेरमान गोपालीले बताउनुभयो ।
कार्यपालिका बैठकले आगामी बर्षको बजेट तथा नीति ,तथा कार्यक्रमको तयारी सम्बन्धमा नगर प्रमुख बिष्णु बिष्टको संयोजकत्वमा ५ सदस्यीय नीति तथा कार्यक्रम मस्यौदा समिती समेत निर्माण गरेको छ।