दोहोरायर मेयरको पदमा फेरी चुनावमा उठ्दिन : नगर प्रमुख बिष्ट

थाहा नगरपालिकाका प्रमुख बिष्णु बिष्टले आफु दोहोरायर मेयरको पदमा फेरी चुनावमा नउठ्ने बताउनुभएको छ| पुस १ मा थाहाको शंकर होटलमा भएको पालुंग जेसिजको २२ औ साधारणसभाको उद्घाटन समारोहलाई सम्बोधन गर्दै मेयर बिष्टले आफु दोहोराउने मनस्थितिमामा नरहेको बताउदै जेसिजको एक कार्यकाल एक पदको अवधारणालाई अनुसरण सबै राजनीतिक दलका नेताहरुले अनुसरण गर्नुपर्ने बताउदै पालुंग जेसिज बर्ष २०२३ को अध्यक्ष तथा अन्य पदाधिकारी हरुको चयन प्रक्रिया सहमति र सहकार्यमा गर्न सुझाव दिदै चुनावले भातृत्वको भावनामा दरार ल्याउने सम्भावना रहेको हुदा मेहनत गरेर भएपनि समतिमै नेतृत्व टुंगाउन आग्रह गरे |पालुङ जेसीज बर्ष २०२३ का लागि अध्यक्ष पदमा तीन जनाको उम्मेद्वारी परेको छ । अध्यक्ष पदमा बर्तमान कानुनी सल्लाहकार संगम कार्की र महासचिव निरज रायमाझी र कोषाध्यक्ष बिक्रम गोपालीले उम्मेद्वारी दर्ता गर्नुभएको निर्वाचन आयुक्त नवराज लामाले बताउनुभयो । त्यस्तै २ कार्यकारिणी उपाध्यक्ष पदका लागि माधव कार्की, मान सिं दोङ, अञ्जय प्रधान, दिपा बल को उम्मेद्वारी परेको लामाले बताउनुभयो । त्यस्तै ४ उपाध्यक्ष पदका लागि नारायण तामाङ, अजय कार्की, प्रकाश बहादुर चन्द, अजित कार्की र मनिष अधिकारीको उम्मेद्वारी परेको छ ।