दुवै मिर्गौला पिडित दामनका सप्तरत्न लाई सहयोग जुट्दै,

भोलिको दिनमा के हुन्छ,कसलाई के थाहा! सन्दर्भ हो थाहा नगरपालिका वडा नं.४,दामन स्थायी घर भएका होटेल व्यवसायी सप्तरत्न मानन्धरको, अधिकांस मान्छेहरुको निम्ति सप्तरत्न मानन्धर एक चिरपरिचित नाम हो। उनी एक सफल होटेल व्यवसायी,शिक्षक,सामाजिक कार्यकर्ता थिए।
सुरुका दिनमा उनले दामन स्थित श्री ॠषेश्वर प्रा.वि.मा केही वर्ष अध्यन-अध्यापनको पनि काम गरेका थिए,पछि दामनमा नै होटेल व्यवसायको थालनी गरेका मानन्धरको आर्थिक स्थिति त्यो समय अन्य स्थानीहरुको भन्दा धेरै राम्रो थियो,उनले संचालन गरेको होटेलको नाम  होटल दामन हो। बि.सं.२०४५ देखि २०६२ सम्ममा राम्रो आम्दानी  गरि  स्थापित भएको  त्यो नाम चलेको  होटेल अहिले बन्द हुने अवस्थामा आईपुगेको छ। कारण हो उहाँको स्वास्थ्य समस्या। अनेक थरीका रोगले ग्रसित भएकै कारण उनी आर्थिक रुपले पनि पिडित हुन पुगेका छन् अहिले ।

उनी पहिले देखिनै प्रेसर अनि सुगर रोगको बिरामी थिए पछि दुबै मृगौला फेल भयो र अनि एक्कासि अस्पताल भर्ना हुनुपर्ने अवस्था आयो। पाटन अस्पतालमा उपचार गरे पश्चात् ,उनि अहिले नियमित डाईलाईसिस गर्न काठमाडौ जाने गरेका छन् तर हालसम्म मृगौला प्रत्यारोपण भने भएको छैन।अत्यन्त आर्थिक अभावको कारण चन्दा सहयोगबाट उनको उपचार खर्च धानिदै आएको छ। 

आर्थिक सहयोग गर्ने/गराउने सिलसिलामा बिगत केही वर्षदेखि वैदेशिक रोजगारीमा गएका दामन स्थायी घर भएका हस्त बहादुर भुजेलको छोरा आशिस भुजेल र साथी विशाल लामाको  अगुवाइमा संगै काम गर्ने उनीहरुका  अन्य नेपाली साथीहरुसँग सप्तरत्न मानन्धरको उपचारकै निम्ति भनेर आर्थिक सहायता संकलन गरि माल्दिभस रास्ट्रबाट पठाएको जम्मा रकम रु.१,१५,००० (एक लाख पन्ध्र हजार मात्र ) आज उनकै निवासमा एभरेष्ट युवा बिकास क्लब,दामन बजार व्यवस्थापन समिती र स्थानीयहरुको उपस्तिथिमा क्लबका अध्यक्ष शिव कुमार केसि द्वारा निज सप्तरत्न मानन्धरलाई हस्तान्तरण गरिएको छ। यहाँहरु पनि सहयोग गर्न चाहनुहुन्छ भने निजको मोबाईल नम्बर ९८४५०७०५४९ सम्पर्क गर्न सक्नुहुनेछ।