दिव्यतारा बहुउद्देश्यीय पालुङ इकाईको साधारणसभा सम्पन्न

हेटौंडामा मुख्य कार्यालय रहेको दिव्यतारा बहुउद्देश्यीय सहकारी संस्था लिमिटेडको थाहा सेवा केन्द्रको छैटौं इकाई सभा तथा २६ औं (साधारणसभा) सम्पन्न भएको छ। संस्थाको थाहा नगर सेवा केन्द्रको संयोजक भरत गोपालीको अध्यक्षतामा सम्पन्न साधारणसभामा बागमती प्रदेश सांसद लक्ष्मी श्रेष्ठको प्रमुख आतिथ्यता रहेको थियो।

साधारणसभामा संचालक समितिका प्रतिनिधित्व गर्दै मुख्य कार्यालय हेटौंडा बाट संस्थाका सचिव ईश्वर पंडित , थाहा नगर वडा न ३ का अध्यक्ष हिरेन्द्रकुमार रायमाझी,वडा न ४ का अध्यक्ष नारायण लामा,संस्थाका थाहा इकाई सल्लाहकार खड्गबहादुर गोपाली,कृष्ण भक्त श्रेष्ठ,संस्थाका वयोवृद्ध सदस्य रामजी कार्की,संस्थाका हेटौंडा सहसचिव निलम बजगाँई,संस्थाका ऋण समिति संयोजक सन्तोष देवकोटा,नेपाली काङ्ग्रेस थाहा ३ न वडा सभापति बिक्रम गोपाली,पालुङ शाखाको कार्यसमिति सदस्यहरु नेत्रमान प्रधान,रत्न बहादुर गोले,राजभाइ गोपाली,सुमन गोले लगायत सेयर सदस्य तथा कर्मचारीहरुको उपस्तिथि रहेको थियो।
कार्यक्रममा प्रमुख अतिथी सांसद श्रेष्ठले संस्थाको बित्तीय प्रगतिको मुल्यांकन उच्च रहेकोले आगामी दिनमा संस्थाको प्रगतिको कामना गर्दै साधारणसभाको सफलताको शुभकामना दियका थिय।
साधारणसभामा संस्थाको प्रतिवेदन प्रस्तुत गर्दै थाहा संयोजक भरत गोपालीले विभिन्न स्थानमा छरिएर रहेका स-साना पुँजीलाई एकीकृत गरि सानै भएपनी राष्ट्रिय पुँजी निर्माण गर्न संस्थाले मद्दत गरेको बताउदै सहकारी संग सम्बन्धित ऐन कानुनको परिधिभित्र रही सदैव सहकारी अभियानमा आवद्द हुन आग्रह गर्नुभयो।वहाँले आगामी आर्थिक बर्ष शेयर सदस्य संख्या १५ सय पुर्याउने लक्ष थाहा सेवा केन्द्रको रहेको बताउदै यस बर्ष संस्थाले १७ लाख २० हजार खुद नाफा गरेको र ५ करोड ८० लाखको वार्षिक कारोबार गरेको प्रतिवेदन प्रस्तुत गरे।
हाल संस्थाको मुख्य कार्यालय सहित सबै सेवाकेन्द्रको संयुक्त कारोबारमा शेयर सदस्य संख्या १० हजार ८ सय ३० ऋण सदस्य २ हजार ९ जना,शेयरपुँजी १२ करोड ३८ लाख ६९ हजार ७ सय रहेको छ भने बचत तर्फ ६८ करोड ३१ लाख ५८ हजार ४ सय रुपैयाँ र बाह्य ऋण ४३ करोड २९ लाख ७ हजार २ सय ५२ रहेको प्रतिवेदनमा उल्लेख छ।
साधारणसभा लाई संस्थाका सदस्य रत्न बहादुर गोलेले स्वागत गरेका थिए भने संस्थाका व्यवस्थापक राममाया खत्रीले संचालन गरेका थिए।