दामनको गौरीशंकर होटलमा गुरु पुर्णिमा उत्सव र योग शिविर हुँदै ।

पद्मसम्भव ध्यान शिविर दामन,गौरी शंकर होटलमा गुरु पुर्णिमाको अवसर पारेर सशुल्क ध्यान,योगा,गुरुपुर्णिमा उत्सव तथा एक दिने शिविर संचालन हुने भएको छ ।
शिविरमा सक्रिय ध्यान शिविर (डाइनामिक मेडिटेशन) योग प्राणायाम, कुण्डलिनी मेडिटेशन, ओशो उत्सव साँझ, चक्र जागरण लगायतका विधि र कार्यक्रम हुने स्वामी आनन्द शिव ले बताए।
मानिसको अस्तव्यस्त जीवनशैली, मानसिक समस्या, शारीरिक स्वास्थ्यमा टेवा पु¥याउँदै खुशी र आनन्ददायी ढंगले जीवन जिउने कला सिकाउनु ध्यान शिविरको मुख्य उद्देश्य रहेको स्वामी आनन्द भाग्यवानले बताए ।
 बढ्दो मानसिक र शारीरिक समस्याको सहज समाधानमा ओशो ध्यान शिविरको भूमिका महत्वपूर्ण रहँदै आएको र धेरैले लाभ लिएको उनले बताए ।
दामन शिविरको सहजीकरण गर्न आएका स्वामी आनन्द भाग्यवन  ओशो ध्यान शिविरका अन्तर्राष्ट्रिय प्रशिक्षक हुन् । भारत लगायतका देशमा उनले शिविरको सहजीकरण गर्दै आएका छन् ।

शिविरमा पूर्णतः सहभागीको सक्रियतालाई केन्द्रमा राखेर विभिन्न विधिद्वारा मेडिटेशनसँगै जीवन जिउने विभिन्न कला सिकाइने आयोजक पद्मशम्भव ध्यान शिविरका संचालक स्वामी आनन्द शिव ( शिवकुमार खत्री) ले बताए। ।
 ध्यान शिविर जीवनोपयोगी र अत्यन्त प्रभावकारी हुने हरेक मानिसले आफ्नो जीवन बुझ्न र जीवन जीउने कला सिक्न एक पटक ओशो आश्रममा हुने ध्यान शिविरमा सहभागी हुन जरुरी छ । त्यहाँ पुगेपछि कैयौं शब्दमा भन्न नसकिने विषय सहभागीले आफै अनुभव गर्ने र बुझ्नेछन् ।’ 
पदम शम्भव ध्यान केन्द्र दामनमा आवासीय रुपमा हरेक महिना कम्तीमा दुईवटा ध्यान शिविर र सहभागीको माग अनुसार साप्ताहिक रुपमा पनि शिविर हुने उक्त ध्यान केन्द्रका  प्रबन्ध निर्देशक स्वामी आनन्द शिव ( शिवकुमार) ले जानकारी दिए। योग ध्यान शिविरको लागि इच्छुक हरुले ९८५५०७२२५२ मा सम्पर्क गर्न सक्नुहुने छ भने ध्यान केन्द्रले थाहा नगरपालिका भित्र रहेको विद्यालय तथा पालुङ क्याम्पसका  विद्यार्थी हरुलाइ निशुल्क सेवा प्रदान गर्ने आयोजक पदमसम्भव ध्यान शिविरका स्वामी आनन्द शिव ( शिव कुमार खत्री,)ले जानकारी दिए।