थाहा ४ भित्र रहेका समस्या समाधानका निम्ति युवाहरु द्वारा नगर प्रमुखलाई ध्यानाकर्षण

थाहा नगरपालिका वडा न ४ भित्र रहेका समस्या समाधान गर्न भन्दै युवाहरुले नगर प्रमुख बिष्णु बिष्टको ध्यानाकर्षण गरायका छन।
बैशाख १७ गते थाहा नगरपालिकाको कार्यालयमा रहेको नगर प्रमुखको कार्यकक्षमा स्थानिय युवाहरूको समुहले विभिन्न माग सहित नगर प्रमुख र उपप्रमुखको ध्यानाकर्षण गरायका हुन।
स्थानीय युवाहरुले वडा भित्र रहेको किटेनी प्राबी लाई पुनः संचालन गर्नुपर्ने ,स्वास्थ्यको मापदण्ड पूरा गर्नुपर्ने ,थाहा बसपार्क लाई व्यवस्थापन गरि संचालनमा ल्याउनुपर्ने ,करुणा भुमी सामुदायिक बन उपभोक्ता समिती भित्र भएको अनियमितता छानवीन गर्नुपर्ने ,चौकी किटेनी सडकको काम सुचारु गर्नुपर्ने ,वडामा रहेको सार्वजनिक जग्गा व्यवस्थित गर्नुपर्ने ,नगरको विकास निर्माण कार्यमा हुने नितिगत भस्ट्रचारलाई कारवाहिको दायरामा ल्याउनुपर्ने ,पिउने पानी तथा सिचाइलाई व्यवस्थित गर्नुपर्ने र कृषि क्षेत्रमा भएका समस्या पहिचान गरि व्यवस्थापन गर्नुपर्ने भन्दै नगरप्रमुखको ध्यानाकर्षण गरायका हुन ।
युवाहरुले आफुहरुले उठाएका मुद्दा लाई नगरपालिकाले  तदारुकताका साथ सम्बोधन गर्न आग्रह गरेका थिए ।
युवाहरुको ध्यानाकर्षण पत्र बुझ्दै नगर प्रमुख बिष्टले युवाहरुले नगरको समृद्धि प्रती देखाएको चासोले आफू उत्साहित बनेको बताउदै पेश भएको मागको सम्बोधन गरिने बताए ।