थाहा ४ को माथिल्लो भेगको जग्गाको मोठ र श्रेस्ता हेटौंडा बाट सार्न पहल

२०७३ साल फागुन १९ गते थाहा नगरपालिकामा मालपोत र नापी कार्यालयको संयुक्त कार्यालय सुरुवात भएपछि जिल्लाको उत्तरी भेगमा अवस्थित तीन वटा पालिका कैलाश गाउँपालिका,इन्द्रसरोवर गाउँपालिका तथा थाहा नगरपालिका भित्र पर्ने साबिकका १८ वटा गाबिस हरुको मालपोत तथा नापी सम्बन्धि कार्य गर्न हेटौंडा जानुपर्ने बाध्यता हटेपनी थाहामा कार्यालय खुलेको ९ बर्ष गैसक्दा पनि तत्कालीन दामन गाबिस वडा न ७ हाल थाहा नगरपालिका वडा न ४ को माथिल्लो भेग ठूलो माखु,जगरघारी,नारायणझ्याउका बासिन्दा भने अझै पनि हेटौंडा जाने बाध्यता बाट हट्न नसकेपछी समस्या समाधानको निम्ति पहल थालिएको छ।
नेकपा माओवादी केन्द्र थाहा नगर अध्यक्ष बिनोद कुमार लामा र वडा न ४ का अध्यक्ष नारायण लामा सहितको टोलिले ३० जेठमा मालपोत कार्यालय शिखरकोटका प्रमुख र नापी कार्यालयका प्रमुखलाई भेटी साविक दामन गाबिस ७ हाल थाहा ४ को (तत्कालिन भिमफेदी ४) मा लगत रहेका जग्गा धनिहरुको मोठ नापी/मालपोत कार्यालय शिखरकोटमा नआएको कारण त्यस क्षेत्रका बासिन्दाहरु हेटौडा पुग्नु पर्ने बाध्याता रहेको गुनासो सहित समस्याको समाधान गरिदिन आग्रह गरेका छन।
आग्रह सहित टोलिले जग्गाधनी पुर्जाको प्रतिलिपी,निवेदन,वडा र नगरको सिफारिस सहित फाइल मालपोत कार्यालय शिखरकोट र नापी कार्यालय शिखरकोट समक्ष पेस गरेका छन।
फाइल बुझ्दै दुवै कार्यालयका प्रमुख हरुले फाइल तत्काल बिभाग पठाइने र समस्या समाधानको निम्ति पहल गरिने बताएको माओवादी केन्द्रका नगर अध्यक्ष विनोद कुमार लामाले जानकारी दिए।