थाहा ४ किटेनीमा जेष्ठ नागरिक मिलन केन्द्र संचालनमा

थाहा नगरपालिका वडा न ४ किटेनी घलेडाडामा रहेको किरातेश्वर मन्दिर परिसरमा बृद्धबृद्धाको लागि जेष्ठ नागरिक मिलन केन्द्र स्थापना गरेको छ । ६८ बर्ष पुगेका बृद्धबृद्धालाई सेवा दिने गरी केन्द्र सञ्चालनमा ल्याईएको हो । किरातेश्वर जेष्ठ नागरिक मिलन केन्द्र नाम राखेर थाहा नगरपालिकामा कृयाशील सामाजिक अभियान फरक सोचको पहल र स्थानिय युवाहरु तथा जेष्ठ नागरिककको पहलमा प्रयोग बिहिन भएर बसेको विद्यालय भवनलाइ बृद्धबृद्धाको लागि भलाकुसारी गर्ने स्थानको रुपमा दिवा सेवा प्रदान गर्ने गरी मिलन केन्द्र स्थापना गरेको फरक सोचका अभियान्ता यादव जंग रायमाझीले बताए ।

मिलन केन्द्र व्यवस्थापन गर्नको निम्ति एक समिती समेत गठन गरियको छ जस्को अध्यक्षमा सिताराम अधिकारी,उपाध्यक्ष सानुनानी अधिकारी ,सचिव नारायण खत्री तथा कोषाध्यक्ष निरन्जन अधिकारी रहेको ११ सदस्यीय समिती समेत गठन गरियको थियो । जेष्ठ नागरिकको सम्मान र संरक्षण गर्ने उद्देश्यले केन्द्र सञ्चालन गर्न लागिएको समितिका अध्यक्ष सिताराम अधिकारीले बताए । केन्द्रको मंगलबार थाहा नगरपालिकाका प्रमुख बिष्णु बिष्टले उद्घाटन गरेका छन् । जनमुखी राजनीतिका धरोहर रुपचन्द्र बिष्टको जन्म जयन्ती तथा थाहा दिवसको अवसर पारेर मिलन केन्द्रको उद्घाटन गरियको हो।उद्घाटन कार्यक्रममा थाहा नगरका प्रमुख बिष्टले ज्येष्ठ नागरिकका अनुभव, ज्ञान र सीपलाई नयाँ पुस्तामा हस्तान्तरण गर्न पनि मिलन केन्द्रको आवश्यकता रहेको बताउनुभयो । ज्येष्ठ नागरिकलाई आनन्दमय तरिकाले चिन्तन÷मनन गर्ने र त्यहीँ आफ्नो स्वास्थ्यको समेत चेकजाँच गर्न पाउने सहितको व्यवस्था गर्न नगरपालिकाले पहल गर्ने बताउनुभयो ।

समितिका अध्यक्ष सिताराम अधिकारीको सभापतित्वमा सम्पन्न मिलन केन्द्रको उद्घाटन समारोहमा थाहा ४ का अध्यक्ष नारायण लामा,३ का अध्यक्ष हिरेन्द्र रायमाझी ,वडा न ४ का सदस्य सुन्दरराज केसी,३ का सदस्य कृष्णकुमार कार्की ,नेकपा माओवादी केन्द्र थाहा नगर अध्यक्ष बिनोद कुमार लामा,नेपाली कांग्रेस नगर उपसभापति नवराज कार्की ,थाहा नगरपालिकाका सुचना अधिकारी सुरज कुमार भुजेल,फोटो पत्रकार गणेश बिष्ट,नापी कार्यालय शिखरकोटका प्रमुख गोपाल नारायण भुजेल लगायत जेष्ठ नागरीक,समाजसेवी हरुको उपस्थिति रहेको थियो। मिलन केन्द्र संचालन गर्नको निम्ति स्थानिय समाजसेवी तथा व्यावसायी हरुले भौतिक तथा आर्थिक सहयोग गरेको मिलन केन्द्र संचालन गर्नको निम्ति अहम भुमिका रहेको फरक सोचका अध्यक्ष यादव जंग रायमाझीले धन्यवाद व्यक्त गर्दै आगामी दिनमा पनि सहयोगको निरन्तरता रहिरहने बताए।