थाहा ४ का २५ जना एकल महिलाहरुलाई बीउ बाख्रा वितरण

थाहा नगरपालिका वडा न ४ ले एकल तथा बिधवा महिलालाई बीउ बाख्रा वितरण गरेको छ। मंगलबार  वडा कार्यालयले वडाभित्रका २५ जना एकल महिलालाई बाख्रा वितरण गरेको हो ।

वडा अध्यक्ष नारायण लामाका अनुसार वडाको वार्षिक स्वीकृत कार्यक्रम अनुरुप आर्थिकरुपमा आत्मनिर्भर बनाउने अभियानअन्तर्गत वडाले एकल महिला  बाख्रा वितरण गरिएको बताए।

 आर्थिक तथा सामाजिक सूचाङ्कका आधारमा पछि परेका महिलालाई जीविकोपार्जन गर्ने उद्देश्यले स्थानीय  जातका बाख्रा वितरण गरिएको कार्यक्रमका सहजकर्ता तथा पशु बिकास शाखा प्रमुख राघवेन्द्र मिश्रले बताए ।

बाख्रा वितरण कार्यक्रममा थाहा नगरपालिकाका प्रमुख प्रशासकीय अधिकृत कृष्ण गिरीले ‘एकल महिलाहरुको आयआर्जनमा वृद्धि गर्ने उद्देश्यले बाख्रा वितरण गरेका छौँ,’ उनले भने, ‘बाख्रा पालनबाट महिलाहरुको जीवनस्तर माथि उठाउन टेवा पुग्ने छ।’ साथै वहाँले आगामी बर्ष अरु वडामा बाख्रा वितरण गर्दा यहि वडा बाट उत्पादित बाख्रा वितरण गर्न पाइए त्यो नै उपलब्धि हुने बताउदै ,बाख्रापालन सजिलो पेशा तथा राम्रो आयआर्जन गर्न सकिने व्यवसाय भएको उनको भनाई छ। 

वडाबाट बाख्रा पाएपछि खुसी हुँदै इन्दिरा केसीले यसले आफ्नो आर्थिक सुधारमा टेवा पुग्ने बताइन् ।
वडाले दिएको बाख्राबाट संख्या वृद्धि गर्दै आगामी दिनमा राम्रो आम्दानी लिने उनको भनाई छ ।
यस अघि महिलाहरुलाई पशु बिकास शाखाले बाख्रा पालन सम्बन्धि ३ दिने तालिम समेत दिएको थियो।
बाख्रा वितरण कार्यक्रममा कृषि शाखा प्रमुख संजय तिवारी,वडा सदस्य शुन्दर राज केसी,वडाका पशु प्राविधिक रुपेश कुमार मिश्र लगायतको उपस्तिथि रहेको थियो