थाहा ४ का दुइ खानेपानी उपभोक्ता समितीको दशक बित्दा पनि भएन भेला।

थाहा नगरपालिकाको वडा न ४ साबिक दामन गाबिस ४,५ को दामन खानेपानी उपभोक्ता समिति तथा तत्कालीन वडा न ६ किटेनिको कारुल खोला खानेपानी उपभोक्ता समितिले दशक बितिसक्दा पनि उपभोक्ता भेला नगरेको,हिसाब किताब सार्बजनिक नगरेको उपभोक्ता हरुले गुनासो गरेका छन।दामन खानेपानी र कारुल खोला खानेपानी दुबैको उपभोक्ता समेत रहेका थाहा ४ का बिक्रम केसिले दुबै खानेपानी उपभोक्ता समितिले बिगत लामो समयदेखी उपभोक्ता भेला नगरेको ,हिसाब सार्वजनिक नगरेको बताय।केसिले कारुल खानेपानीले १० बर्ष तथा दामन खानेपानी ले ८ बर्ष देखि उपभोक्ता भेला नडाकेको,नयाँ धारा जोड्दा दामन खानेपानीले चर्को शुल्क लिने गरेको बताय।
दामन खानेपानीको उपभोक्ता भेला राखौ भन्दा विभिन्न बहानामा टार्ने गरेको समितिका एक सदस्यले नाम उल्लेख नगर्ने सर्तमा बताय,उनका अनुसार हिसाब किताब गन्जगोल भएकोले उपभोक्ता भेला नडाकेको हुन सक्ने बताय।
यश बिषयमा दामन खानेपानी उपभोक्ता समितिका अध्यक्ष नारायण लामा सङ जिज्ञासा राख्दा वहाँले लामो समयदेखि भेला राख्न नसकेको स्विकार्दै २०७२ सालको भुकम्प पछि हालसम्म ग्राहक हरु सङ शुल्क उठन बाकी,तथा विविध कारण बस अडिट हुन नसकेको भन्दै हिसाब किताब क्लियर भएको तथा आबश्यक परे उपलब्ध गराउन सकिने बताउदै अब छिटोभन्दा छिटो हिसाब किताब क्लियर गरि अडिट गरि भेला बोलाउने बताउनुभयो।थाहा नगरपालिका ३,४ का २६० घरधुरी प्रत्यक्ष लाभान्वित रहेको दामन खानेपानी जोड्न नयाँ ग्राहक लाई श्रमदान मा सहभागी भएकालाइ ३७५० तथा श्रमदानना सहभागी नहुनेले नयाँ धारा जोड्दा १३२०० शुल्क लिने गरेको छ।एकजना मर्मत गर्न मासिक ६ हजारमा प्राबिधिक कर्मचारी राखेको समितिले बिगत ७ बर्ष देखि भेला भने गर्न सकेको छैन ।
यता थाहा ४ किटेनिमा रहेको कारुल खोला खानेपानी उपभोक्ता समितिको त झन कन्तबिजोग नै रहेको उपभोक्ता हरु बताउछन ,बिगत १० बर्ष देखि भेला गर्न नसकेको समितिले खानेपानी बितरण पनि प्रभावकारी रुपमा गर्न नसकेको उपभोक्ता हरुको गुनासो रहेको छ।
खानेपानी उपभोक्ता समितीका सचिव रबि बिष्टका अनुसार खानेपानी बितरण प्रभावकारी नहुनु समस्या रहेको बताउदै भेला गर्न उपभोक्ता हरुले नै चासो नदियकोले यस्तो अबस्था आएको बताउछन।
थाहा नगरको वडा वडामा खानेपानी बोर्डको अध्यक्ष चुनियतापनी नगर खानेपानी बोर्ड नबन्दा नगरका केही वडा तथा बस्ती हरुमा खानेपानी प्रसस्त मात्रामा हुदाहुदै पनि बितरण प्रणाली ब्यबस्थित नहुदा समस्या रहेको जानकार हरु बताउछन।