थाहा २ का महिलाहरु नौमती पन्चेबाजा बजाउन सिक्दै।

थाहा नगरपालिका–२ सक्रिय उद्यमशील महिला समुहका सदस्यहरु  नौमती पञ्चेबाजा बजाउन सिक्न व्यस्त छन् । बह्माण–क्षेत्री समुदायका महिलाले नौमती बाजा छुनुहुँदैन भन्ने परम्परागत मान्यतालाई लत्याउँदै उनीहरुले नयाँ इतिहास कायम गर्न बाजा बजाउन सिक्न थालेका हुन् ।
 घरायसी काम सक्ने बित्तिकै हतारहतार खेतमा पुग्ने गरेका यहाँ महिला दैनिकजसो दमाह, ट्याम्को, कर्णाल र नरसिङ्गाजस्ता विभिन्न थरीका बाजा सिक्न व्यस्त छन् ।
महिलाले बाजा छुन पनि हुँदैन भन्ने मान्यतालाई अन्त्य गर्न गाउँका  बह्माण, क्षेत्री महिला एकजुट भएर पञ्जे बाजा सिक्न जुटेका छन् । 
वडाका महिला सदस्य रितु कार्किले बताइन।

उहाँले थाहा नगरपालिकामा पहिलो पटक महिला हरुले  पंचेबाजा बजाउन थाल्दा केही असहज भए पनि विस्तारै महिलाले सिक्न आर्कषित हुँदै आएको जानकारी दिए । “मैले सीप हस्तान्तरणको अभियानको रुपमा लिएको छु,” उनले भने । पुरुषले मात्रै बजाउने पञ्चेबाजामा महिलालाई समेत अब्बल बनाउन तालीम आयोजना गरेको  बताए ।

महिला मात्र सहभागी नौमती बाजा समूह बनार्ई चितवनका राम बहादुर थापा र होम बहादुर थापाले प्रशिक्षण दिइरहनुभएको छ । स्वागत तथा सम्मानलगायतका कार्यक्रम, मङ्गलधुन, दुलाहा अन्माउने, दुलहीको घरमा पुगेपछि, सिन्दूर हाल्ने, गोडा धुने, कन्यादान गर्ने बेलामा र दुलही अन्माउँदा, भित्र्याउँदा मङ्गलधुनका प्रस्तुति गर्ने कला प्रशिक्षण दिइरहेको प्रशिक्षकले जानकारी दिए ।
थाहा नगरपालिका सामाजिक विकास शाखा र वडा न २ को आर्थिक सहयोगमा सक्रिय उद्यमशिल महिला समुहका २० जना महिलाहरुले तालिममा सहभागी जनाएको र तालिम २५ दिन सम्म चल्ने वडा सदस्य युवराज बिष्टले जानकारी दिए।

महिला हरुले सिक्दा सिक्दै नगरपालिकाले आयोजना गरेको वातावरण दिवसका दिन र जनकल्याण माबिमा विदेशी पाहुना आएको दिन आफ्नो कला प्रस्तुत गरिसकेका छन।