थाहा २ का कृषकलाई उल्लेख्य मात्रामा कृषि सामाग्री वितरण

प्रधानमन्त्री कृषि आधुनिकीकरण परियोजना ,तरकारी पकेट विकास कार्यक्रम अन्तर्गत ५० प्रतिशत अनुदानमा थाहा नगरपालिका कृषि शाखाको आर्थिक सहयोग तथा थाहा २ मा अवस्थित जनता कृषि सहकारी संस्थाको सहयोगमा सहकारी संस्थाको कृषक सदस्यहरुलाई ५० प्रतिशत अनुदानमा मिनि टीलर,बीउ बिजन लगायत कृषि सामाग्री बितरण गरियको छ।

थाहा नगरपालिका कृषि शाखा,प्रधानमन्त्री कृषि आधुनिकीकरण परियोजना र वडा न २ को कृषि विकास कार्यक्रम अन्तर्गत वडामा मिनि टिलर ४८ वटा ,थोपा सिचाइको लागि १ हजार लिटरको हिलट्याङ्क १६ वटा,पानी तान्ने पम्प २९ वटा,विषादि छर्ने स्प्रे पम्प २५ वटा र एकरोल युभी प्लास्टिक बितरण गरियको छ। थाहा नगरपालिकाका प्रमुख बिष्णु बिष्टको प्रमुख आतिथ्यतामा कृषि सामाग्री बितरण गरियको हो।

कृषि सामाग्री बितरण कार्यक्रममा थाहा नगर कृषि बिकास शाखाका प्रमुख संजय तिवारी,कृषि सहायक राजकुमार श्रेष्ठ ,वडा न १ का अध्यक्ष हेरमान २ का अध्यक्ष बम बहादुर सिनतान ,वडा सदस्य युवराज बिष्ट ,कार्यपालिका सदस्य रितु कार्की,थाहा नगरपालिकाका प्रमुख प्रशासकीय अधिकृत अजित घिमिरे ,पालुङ बहुउद्देश्यीय सहकारी संस्थाका सचिब नवराज बिष्ट २ न वडाका कृषि प्राविधिक लगायतका उपस्थिति रहेको थियो।

कार्यक्रममा प्रमुख अतिथी नगर प्रमुख बिष्णु बिष्टले कृषकलाई हरेक कृषि सम्बन्धि ज्ञान दिनु र सीप सहित आय आर्जनमा जोडिने कार्यक्रम ल्याउनु पर्ने सुझाव राखेका थिए साथै वहाँले उत्पादनलाई ब्यवसायीकरण गर्दै आत्मनिर्भनका उपायहरु अवलम्वन गर्नु पर्नेमा जोड दिएका थिए ।