थाहा ११ का आगलागी पिडितलाई यातायात मजदुरहरुको १ लाख २० हजार नगद सहयोग

थाहा नगरपालिका वडा नम्बर ११ मालागिरीका अग्नि पीडितलाई यातायात मजदुरहरुले  आर्थिक सहयोग गरेको छ ।

३ चैतमा नेपाल आयल पेट्रोलियम चालक संघ थानकोट इकाइका सदस्य थाहा नगरपालिका वडा न १२ स्थायी घर भएका देवलाल स्याङ्तान सहितको टोली पीडितको घर पुगेर नगर उपप्रमुख भरत गोपालीको हातबाट नगद सहयोग गरेको हो ।
सहयोगि हरु थोकर सेवाका संचालक दोर्जे लामा थोकर,नेपाल यातायात स्वतन्त्र मजदुर संगठन बागमती प्रदेश कमिटी सदस्य तथा कर्मक्षेत्र ढुवानीका संचालक थाहा ८ का  डम्बर लामा,एकीकृत अखिल नेपाल यातायात मजदुर संगठनका ज्ञान बहादुर गोले सहितको टोलीले नगद १ लाख २०  हजार ८ सय १० रुपियाँ आर्थिक सहयोग प्रदान गरेको हो ।

सहयोग रकम वितरण गर्दै थाहा नगरपालिकाका उपप्रमुख भरत गोपालीले बिपत्तिमा  पर्दा एक अर्काले सहयोग गर्ने नेपालीको बानी भएको हुँदा  सहयोगमा जुट्ने हातहरुलाई बिशेष धन्यवाद दिदै सम्पुर्णमा सहयोगको लागि आव्हान गर्नुभएको थियो  । नेपाल यातायात स्वतन्त्र मजदुर संगठनका प्रदेश सदस्य डम्बर लामाले तत्कालका लागि सबै दलहरु संग आवद्द यातायात मजदुर हरुबाट संकलन गरेर नगद सहयोग गरेको बताउदै मानवताको सेवामा जुट्न सम्पुर्ण यातायात मजदुर लाई आव्हान गर्दै सहयोगको लागि धन्यवाद व्यक्त गरे ।

कार्यक्रम ११ नम्बर वडा अध्यक्ष दिनेश बलको प्रमुख आतिथ्यतामा भएको थियो भने नेकपा एमालेका सुनिता दोङ,नेपाली काङ्ग्रेसकि सुनमाया भोम्जनको उपस्तिथि रहेको थियो।
थाहा ११ मालागिरीका सुरेन्द्र लामाको घर २४ फागुनमा विद्युतीय तार सर्ट भएको आगजनी भएको हो । आगजनीले लामाको घर र सम्पूर्ण सामान पूर्ण रुपले नष्ट भएको छ ।