थाहा र कैलाश दुई पालिकाबिच अन्तरसंवाद तथा सिकाइ आदानप्रदान ।

शम्भु अधिकारी//थाहापाटी,मकवानपुरको कैलाश गाउँपालिकाका अध्यक्ष ,उपाध्यक्ष तथा प्रशासकीय अधिकृत सहितको टोलिले आज थाहा नगरपालिकाको भ्रमण तथा सिकाइ आदानप्रदान गरेका छन।आज साउन ६ गते भएको दुई पालिका स्तरीय छलफल तथा सिकाइ आदानप्रदान गर्न आएका कैलाश गाउँपालिकाका जनप्रतिनिधि तथा कर्मचारीहरुको अतिथी टोलिलाइ थाहा नगरपालिकाको कार्यालय इन्द्रायणी चौरमा थाहा नगरका प्रमुख बिष्णु बिष्ट आदर्श ,उपप्रमुख भरत गोपाली,लगायत नगरपालिकाका कर्मचारीहरुले नगरमा न्यानो स्वागत गरेका थिय।
कैलाश गाउँपालिका तर्फबाट पालिका अध्यक्ष लोक बहादुर मोक्तान,उपाध्यक्ष बालकुमार मल्ल ठकुरी ,प्रमुख प्रशासकीय अधिकृत देवराज चौलागाईं ,सूचना अधिकृत प्रकाश राई,शिक्षा शाखाका रामचन्द्र पाठक,प्रशासन महाशाखा प्रमुख नवीन धिताल ,शिक्षा अधिकृत सुर्य बहादुर थिङ्गको उपस्तिथि रहेको थियो।
थाहा नगरमा स्वागतपछि दुई पालिका बिच अन्तरसम्बाद सहित दुईपक्षिय पालिका हित तथा सिकाइ आदानप्रदान गर्नेबारे अन्तरक्रिया एबम छलफल गरिएको थियो ,अन्तरक्रियामा थाहा नगरपालिकाको तर्फबाट नगरका सूचना अधिकारी सुरज कुमार भुजेलले सहजीकरण गर्दै थाहा नगरपालिकाले गरेका प्रगतिकार्य हरुको प्रस्तुति दिदै थाहा नगरपालिकाको परिचय सहित नगरको वार्षिक बजेटको अवस्था ,आन्तरिक आयको अवस्था ,बेरुजुको अवस्था ,नगरको पुर्वाधारको अवस्था ,शैक्षिक ,कृषि ,पशु बिकासका साथै नगरपालिकामा निर्माण भएका एन कानुन ,पालिकाको बिकास साझेदार गैरसरकारी संस्थाहरुको कार्य ,सामाजिक सुधार सम्बन्धि गरेका प्रगति ,पालिकाको शुसासन तथा नगरपालिकाको समस्या ,चुनौतीको बारेमा प्रस्तुतीकरण गरेका थिय।
थाहा नगरपालिकाको विषयगत शाखा प्रमुखहरुले आफ्नो शाखाले गरेका कार्यहरुको बारेमा छिमेकी पालिकाबाट आएका अतिथिहरुलाइ अबगत गराय भने उपप्रमुख भरत गोपालीले थाहा नगरले न्याय सम्पादन कार्यलाई कसरी गरीरहेको छ भनेर जानकारी गराय।थाहा नगरका प्रमुख बिष्टले आफ्नो नगरले नीति तथा कार्यक्रमको निर्माण गर्दा बिज्ञहरु सङको छलफल ,बजेट निर्धारण गर्दा आबश्यकतालाइ प्राथमिकतामा राख्ने गरेको बताउदै बिकास निर्माणका कार्यहरुलाइ कार्यतालिका अनुरुप संचालन गर्ने,चौमासिक रुपमा समग्र समिक्षा गर्ने जस्ता कार्यहरु गर्ने गरेको बताउनुभयो ।तेसैगरी कैलाश गाउँपालिकाका अध्यक्ष लोक बहादुर मोक्तानले आफ्नो पालिकाको चुनौती भनेकै भौगोलिक बिकटता र सीमान्तकृत समुदाय,यातायात पुर्वाधार र शिक्षा रहेको बताउदै थाहा नगरबाट सिक्नुपर्ने कुराहरु धेरै रहेको भयतापनी नगरपालिकाको योजना छनौट ,न्यायीक समितिको कार्यसम्पादन ,सूचना ,कृषि ,पशु ,बेरुजु फर्छेउट बाट आफ्नो पालिका प्रभावित भएको बताउदै कैलाश गाउँपालिकाले  पनि केही जनहितका कार्यहरुको थालनी गरी अगाडि बढेको जानकारी दिदै पालिकाले आफ्नै पहलमा दुइटा निशुल्क एम्बुलेन्स सेवा,सामाजिक भत्ताको घुम्ती सिविर ,बालमैत्री स्थानीय शासनको अभ्यास ,कर्मचारी लाई स्केल अनुसारको समान तलव ,चेली प्रोत्साहन कार्यक्रम अन्तर्गत प्लस टु उतिर्ण गरि २० बर्ष पुगेपछि बिबाहा गर्ने चेलिलाइ नगद २० हजार पुरस्कार जस्ता कार्यको थालनी गरेको बताउदै गुणस्तरीय सडकको निर्माण गर्न सके दुबै पालिकाका जनतालाई सहज हुने बताउनुभयो ।
दुबै पालिका प्रमुख हरु आफ्नो आन्तरिक आय कम हुनु,भौगोलिक बिकटताको कारण बिकास सोचेअनुरुप हुन नसक्नु,जिल्ला दररेटका कारण बिकास निर्माणमा अबरोध श्रीजना भएको ,शैक्षिक बिकासमा सोचेअनुरुप फड्को मार्न नसक्नुमा एकमत देखियका थिय।