थाहा बसपार्क संचालन गर्न व्यवस्थापन समिति गठन,अध्यक्षमा रामराजा केसी

थाहा नगरपालिका वडा न ४ मा निर्माणाधीन थाहा बसपार्क संचालनमा नआएको भन्दै स्थानियले बसपार्क संचालनको माग गर्दै थाहा बसपार्क व्यवस्थापन समिती गठन गरेका छन।
थाहा नगरको गौरवको आयोजना बसपार्कमा बनेको संरचना संरक्षण नहुदा क्षतबिक्षत भएको तथा बसपार्क संचालन गर्न आवश्यक संरचना तयार हुँदा समेत बसपार्क संचालनमा संबंधित निकायको ध्यानाकर्षण नभएको भन्दै स्थानियले बसपार्क संरक्षण र संचालनको निम्ति व्यवस्थापन समिती गठन गरेका हुन।
रामराजा केसीको अध्यक्षतामा ११ सदस्यीय बसपार्क व्यवस्थापन समिती गठन गरियको समितिका सचिव ज्ञानेन्द्र अधिकारीले जानकारी दिए।
नव गठित व्यवस्थापन समितिको उपाध्यक्षमा कुमार खत्री,सचिव ज्ञानेन्द्र अधिकारी,कोषाध्यक्ष अमिता केसी बिष्ट ,तथा सदस्य हरुमा हरीकृष्ण केसी,लवकुमार केसी,नवीन अधिकारी,देशराज केसी,सर्मिला अधिकारी,बिन्दा केसी,र सुनिता अधिकारी रहेका छन भने श्रीकृष्ण केसीको संयोजकत्वमा ४ सदस्यीय सल्लाहकार समिती समेत चयन गरियको छ।जस्को सदस्यमा अजित खत्री,पुर्शोत्तम केसी र संग्राम बिष्ट रहेका छन।
नव गठित बसपार्क व्यवस्थापन समितीलाई दर्ताको लागि संबंधित निकायमा पहल गरिने निर्णय गरियको सचिव ज्ञानेन्द्र अधिकारीले जानकारी दिए।