थाहा बसपार्क संचालनको बाटो खुल्यो,बसपार्क संचालन कार्यविधि कार्यपालिका द्वारा पारित

निर्माणाधिन थाहा बसपार्क संचालन तथा व्यवस्थापन कार्यविधि २०८० नगरपालिकाको कार्यपालिका बैठकले पारित गरेको छ।
कार्यविधि पास भएसंगै अन्यौलमा रहेको थाहा बसपार्क संचालनको निम्ति बाटो खुल्ला भएको छ।
जेष्ठ २८ गते बसेको थाहा नगरपालिकाको कार्यपालिका बैठकले सो कार्यविधि पास गरेको थाहा नगरपालिकाका प्रवक्ता हेरमान गोपालीले जानकारी दिए।
अब थाहा नगरपालिका मातहतमा रहने गरि थाहा नगरपालिकाका प्रमुखले सिफारिस गरेको नगरपालिकाको लब्धप्रतिस्ठित व्यक्ती संयोजक रहने गरि सात सदस्यीय समिती गठन गर्न सकिने छ जस्को सचिव एक,कोषाध्यक्ष एक र  सदस्यहरुमा नगर प्रहरी प्रमुख एक जना,यातायात व्यावसायि बाट एक जना,उद्योग वाणिज्य संघको तर्फबाट एक जना र उपभोक्ता बाट एक जना हुने व्यवस्था रहेको छ।
तेसैगरी बैठकले बिपद व्यवस्थापन कोष संचालन कार्यविधी २०८० र व्यापार व्यवसाय सम्बन्धी कार्यविधी २०७७ लाई केही संशोधन समेत गरेको प्रवक्ता गोपालीले जानकारी दिए।
बैठकले नगरभित्र निर्माण हुने घर हरुको नक्सा पास  कार्यविधि ल्याउने  समेत निर्णय गरेको छ।
थाहा नगरपालिका भित्र निर्माण भैसकेका र निर्माणाधीन घर हरुको नक्सा पास गर्ने मापदण्ड अनुसार निर्माण भएका भवनको निर्माण सम्पन्न प्रमाणपत्र दिने ,मापदण्ड बिपरित निर्माण भएका घरहरुलाई अभिलेखिकरण गर्ने ,नयाँ बन्ने घरहरुलाइ भवन निर्माण सम्बन्धि कार्यविधी बनाइ नक्सा पास भएपछि मात्र घर निर्माण गर्न आग्रह गर्ने,र डिपिसी गरेर राखेको घरहरुलाई प्रक्रिया पूरा गर्न सूचना जारी गर्ने समेत निर्णय गरिएको प्रवक्ता गोपालीले बताए।
बैठकद्वारा आगामी आर्थिक बर्षको नीति कार्यक्रम तथा बजेटको लागि वडा हरुमा टोल भेला गरि सुझाव संकलन समेत गर्ने निर्णय गरेको थाहा नगर प्रवक्ता हेरमान गोपालीले जानकारी दिएका छन ।