थाहा नगर सहकारी संचालन समन्वय समिती गठन,संयोजकमा केबि बिष्ट चयन

थाहा नगरपालिका भित्र रहेका सहकारी संस्थाहरुको प्रतिनिधित्व सहितको थाहा नगर सहकारी संचालन समन्वय समिती गठन गरिएको छ।
थाहा नगरपालिका सहकारी शाखाको आयोजनामा आज सम्पन्न सहकारी संस्थाहरुको प्रमुखहरु र थाहा नगर प्रमुख,उपप्रमुख सम्मीलित बैठकले समन्वय समिति गठन गरिएको सहकारी शाखा प्रमुख अस्मिता तिवारीले जानकारी दिनुभयो।
थाहा नगरपालिका भित्र रहेका सहकारी संस्थाहरुको अध्यक्षहरु मध्य गठन गरिएको समितिको संयोजकमा पालुङ बहुउद्देश्यीय सहकारी संस्थाको अध्यक्ष कृष्ण बहादुर बिष्ट रहेका छन भने सदस्यहरुमा शिखर बचतका मनोज रायमाझी,दामन कृषि सहकारीका रामशरण केसी,चेतनशील महिला बचत बाट शकुन्तला गोपाली,कुटेश्वर महिला बचतकी कालीदेवी गोले,ग्रामीण पर्यटन व्यावसायि सहकारी बाट शिवहरी बर्तौला,भालेश्वर कृषि सहकारीका दिपक गोपाली र सुन्तलावारि कृषि सहकारीका क्षेत्र बहादुर आले मगर रहेको समिती गठन गरिएको हो।
थाहा नगरपालिकाका प्रमुख बिष्णु बिष्ट,उपप्रमुख भरत गोपाली,प्रशासन महाशाखा प्रमुख नवीन खालिङको उपस्थिति रहेको बैठकले निर्माणाधीन कोल्डस्टोर्स संचालनमा ल्याउन बिशिष्टिकृत सहकारी संस्था निर्माण गर्ने छलफल गरेको थियो।
बैठकमा सहकारी संस्थाहरुले समष्टिगत विवरणहरु यथासक्य छिटो भर्ने प्रतिवद्द्ता जनाएका थिए भने सहकारीकर्मीहरुको लागि नगरपालिका र सहकारीहरुको समन्वयमा बिबिध तालिम संचालन गर्ने निर्णय भएको शाखा प्रमुख अस्मिता तिवारीले बताउनुभयो।