थाहा नगर मातहतका सहकारीहरुलाई एउटै प्रणाली मातहत ल्याइदै।

सहकारी संघसंस्थाहरुको प्रबर्द्धन तथा नियमनमा प्रभावकारिता ल्याउन तथा सहकारी क्षेत्रको एकीकृत तथ्यांक सिर्जना गर्न स्थानीय स्तरदेखि राष्ट्रियस्तर सम्म इन्टरनेटमा आधारित एकीकृत बिधुतिय ब्यबस्थापन सूचना प्रणाली (COOPOMIS) प्रणालीको दुई दिने तालिम थाहाको सहारा रिसोर्टमा सुरु भएको छ।
थाहा नगरपालिकाको सहयोगमा नगरपालिकाको नियमन भित्र पर्ने सहकारी संस्थाहरुको प्रभावकारी नियमन तथा प्रबर्द्धन प्रयोजनका लागि आधारभुत तथ्यांकहरु स्थानीय स्तरदेखी सूचना प्रणाली लागू गर्न सहकारी हरुलाइ तालिम दिइएको तालिम संयोजक उमेश श्रेष्ठले बताउनुभयो।श्रेष्ठले नगरपालिकाको नियमन क्षेत्र भित्र पर्ने सबै सहकारी संस्थाहरुको दर्ता ,मासिक तथा वाषिर्क प्रतिबेदन ,निर्वाचन ,बिनिमय संसोधन ,कार्यक्षेत्र बिस्तार ,नयाँ सूचना तथा परीपत्रहरु लगायतका कामहरु यसै प्रणाली मार्फत हुनेभएकोले नगरभित्रका सहकारीहरु लाई तालिम दियको बताए।
थाहा नगरपालिकाका उपप्रमुख भरत गोपालीले उद्घाटन गर्नुभएको तालिममा नगरपालिकाका आर्थिक संयोजक हेरमान गोपाली,प्रसाशन महाशाखा प्रमुख अजित घिमिरे,नगरका लेखा अधिकृत हरी बहादुर खपाङ्गी ,सुचना शाखा प्रमुख सुरज कुमार भुजेल,एम आइ एस शाखाका रुपक कार्की,पत्रकार शम्भु अधिकारीको उपस्थिति रहेको थियो।
थाहा नगरपालिका मातहतमा रहेका सहकारी संस्थाहरुको कार्यालय प्रमुखहरुको सहभागिता रहेको तालिमलाइ प्रशिक्षक सगुन ध्वाख्वाले प्रशिक्षण दिरहनुभएको छ।तालिम भोलि १८ गते समापन हुने तालिमका संयोजक उमेश श्रेष्ठले बताए।