थाहा नगरमै पहिलोपटक टीभीएस एक्सचेन्ज योजना, ग्राहकलाई एक लाखसम्म छुट

थाहा नगरपालिका–०४, शिखरकोटमा मोटरसाइकल तथा स्कुटर साटासाट (एक्सचेन्ज) लक्षित ‘टीभीएस स्मार्ट एक्सचेन्ज’ फागुन ५ देखि हुँदै छ। थाहा नगरपालिका क्षेत्रमै पहिलो पटक सञ्चालन गरिएको उक्त योजना फागुन ५ गतेदेखि फागुन १० गतेसम्म सञ्चालन हुने आयोजकले जनाएको छ।
नेपालका लागि टीभीएसको आधिकारिक वितरक जगदम्बा मोटर्सको व्यवस्थापनमा सञ्चालन भइरहेको कार्यक्रममा पुरानो मोटरसाइकल वा स्कुटर साटेर नयाँ टीभीएस सवारी साधन खरिद गर्न सकिने व्यवस्था गरिएको छ।
कार्यक्रम अन्तर्गत ग्राहकलाई एक लाख रुपैयाँसम्म आकर्षक नगद छुट, उच्च मूल्याङ्कन (हाइएस्ट भ्यालुएसन) ग्यारेन्टी, निःशुल्क हेल्मेट तथा सजिलो फाइनान्स सुविधा प्रदान गरिने जनाइएको छ। साथै, दैनिक रूपमा ‘सुनको सिक्का’ जित्ने अवसर समेत राखिएको छ।
आयोजकका अनुसार यो योजना मार्फत ग्राहकले आफ्नो पुरानो सवारी साधनको उचित मूल्य प्राप्त गर्दै नयाँ तथा आधुनिक टीभीएस मोटरसाइकल तथा स्कुटर खरिद गर्न सक्नेछन्। यसले स्थानीय स्तरमा सवारी साधन नवीकरणलाई समेत प्रोत्साहन गर्ने विश्वास लिइएको छ।
कार्यक्रममा सहभागी हुन इच्छुक ग्राहकले नागरिकता तथा लाइसेन्सका साथ उपस्थित हुनुपर्ने आयोजकले जनाएको छ।