थाहा नगरमा महिला लक्षित व्यावसायिक तरकारी खेती तालिम सुरु

मकवानपुर, थाहा नगरपालिका – राष्ट्रपति महिला सशक्तीकरण परियोजना अन्तर्गत जीविकोपार्जन सुधार कार्यक्रमअन्तर्गत थाहा नगरपालिकामा व्यावसायिक तरकारी खेतीसम्बन्धी पाँच दिने तालिम सुरु भएको छ।

लालीगुरास महिला बहुउद्देश्यीय सहकारी संस्थाको आयोजनामा तथा महिला, बालबालिका तथा जेष्ठ नागरिक मन्त्रालय र थाहा नगरपालिकाको सहकार्यमा आयोजित तालिम असार ८ गतेदेखि १२ गतेसम्म सञ्चालन हुने लालीगुराँस महिला बहुउद्देश्यीय सहकारी संस्थाका अध्यक्ष रिता प्रधानले बताउनुभयो।

जनकल्याण माबिमा कृषि अध्यापन गराउने बाली बिज्ञ प्रशिक्षक निश्चल साक्य र बागवानी केन्द्र दामनमा कार्यरत  प्रशिक्षण दिने तालिममा हिंसापीडित, दलित, जनजाति समुदायका २५ जना महिलाहरूको सक्रिय सहभागिता रहेको छ। तालिमको उद्घाटन कार्यक्रममा संस्थाकी अध्यक्ष रिता प्रधानले अध्यक्षता गरेकी थिइन् भने प्रमुख अतिथिका रुपमा थाहा नगरपालिका प्रमुख प्रशासकीय अधिकृत सुरेन्द्र प्रधान सहभागी भएका थिए।

कार्यक्रममा थाहा नगर उद्योग वाणिज्य संघका उपाध्यक्ष सुरेन्द्रमान प्रधान, ईलाका प्रहरी कार्यालयका प्रमुख सविन बाबू अर्याल, थाहा नगर महिला बालबालिका शाखा प्रमुख प्रतिमा मोक्तान, सामाजिक विकास शाखा प्रमुख अनिल लामिछाने, वडा नं. २ का सदस्य अर्जुन कार्की र झम्केश्वरी माविका विद्यालय व्यवस्थापन समिति अध्यक्ष प्रदीप प्रधान स्थानीय सामुदायिक बन उपभोक्ता महासंघका अध्यक्ष गणेशमान प्रधान,थाहा नगर रोजगार संयोजक कुमार नेगीको उपस्थिति रहेको थियो।

तालिम सहभागी महिलालाई बीउ पूँजीसमेत प्रदान गरिने र थाहा नगरपालिकाले तालिमको प्रभावकारिता र बीउ पूँजीको उपयोगबारे अनुगमन गरिरहने थाहा नगर महिला बालबालिका शाखा प्रमुख प्रतिमा मोक्तानले बताउनुभयो ।

कार्यक्रममा संस्थाकी उपाध्यक्ष नानिछोरी प्रधानले स्वागत मन्तव्य दिएकी थिइन्। तालिमबाट सहभागी महिलाहरूमा आत्मनिर्भरता र आयआर्जनका लागि कृषि व्यवसायमा लाग्ने प्रेरणा मिल्नेमा बिश्वास रहेको कार्यक्रमका वक्ताहरुले बताउनुभयो ।