थाहा नगरपालिका द्वारा बजार अनुगमन ,ब्याबसायिले ब्यबसाय नवीकरण गर्दैनन,घरधनिले घर बहाल कर तिर्दैनन।

थाहा नगरपालिका बजार अनुगमन समिती मार्फत उद्योग बाणिज्य संघ ,उपभोक्ता हित संरक्षण मञ्च ,ईलाका प्रहरी ,संचारकर्मी लगायतका टोलि बाट थाहा नगरको डाडाबास बजार र घर्तीखोला मा रहेको ब्याबसायिक पसल अनुगमन गरियको छ।अनुगमनको क्रममा केही पसलमा म्याद गुज्रिएको सामान जफत गरियको छ भने प्रायः ब्याबसायिक पसल हरुमा थाहा नगरपालिकामा दर्ता भएका ब्याबसायहरुको प्रमाणपत्र नवीकरण नभएको र घरभाडा बहाल कर नतिरेको पाइयको अनुगमनमा खटिएका थाहा नगरपालिकाका लेखा प्रमुख हरी बहादुर खपाङ्गी ले बताउनु भयो।नवीकरण नगरेका ब्याबसायिहरुलाइ सात दिन भित्र वडा कार्यालयमा गएर नवीकरण गर्न र घरभाडा बहाल कर तिर्न अनुरोध गरियको लेखा प्रमुख खपाङ्गीले बताउनुभयो।आज भएको अनुगमनमा ५० वटा ब्याबसायिक पसल अनुगमन गरियको नगर प्रशासन प्रमुख उमेश श्रेष्ठले थाहापाटिलाइ जानकारी दिनुभयो।अनुगमनमा थाहा नगर उद्योग बाणिज्य संघका अध्यक्ष कविराज खत्री ,थाहा नगरपालिका सामाजिक बिकास साखा प्रमुख अनिल लामिछाने ,योजना महासाखा प्रमुख अजित घिमिरे ,उपभोक्ता अधिकारकर्मी गणेशमान श्रेष्ठ ,प्रशासन प्रमुख उमेश श्रेष्ठ ,सञ्चारकर्मी शम्भु अधिकारी तथा इलाका प्रहरी कार्यालयका प्रतिनिधिहरुको रोहवरमा बजार अनुगमन गरियको थियो।अनुगमनमा किराना पसल,फेन्सी कस्मेटिक ,होटल,चिया नास्ता पसल ,मदिरा पसल ,मोटरसाइकल वर्क सप ,फलफुल तथा तरकारी ,मासुजन्य पसल हरुमा अनुगमन गरियको थियो।