थाहा नगरपालिकाको १७ औं नगरसभा सम्पन्न,

थाहा नगरपालिकाले आफ्नो १७ औं  नगरसभा  सम्पन्न गरेको छ । चालू आर्थिक बर्षमा भएको वित्तीय तथा भौतिक प्रगतीका सम्बन्धमा जानकारी दिनुको साथै गत असोज ११ र १२ गतेको बाढी पहिरोले निम्त्याएको बिपदले थाहा नगरभित्र ठूलो नोक्सानी भएको कारण बिपद पश्चातको प्रतिकार्यको लागि वडा हरुमा बिनियोजित बजेट कटौती लगायत बिबिध कारणले बजेट शीर्षक र रकम संशोधन गर्नको निम्ती हिउँदे अधिवेशन गरेको नगर प्रवक्ता हिरेन्द्र कुमार रायमाझीले बताए ।

थाहा नगरको जेसीज हलमा भएको नगरसभामा अधिवेशनको सभापतित्व नगरप्रमुख बिष्णु विष्टले गरेका छन् । 
नगरसभामा उप–प्रमुख भरत गोपाली,प्रमुख प्रशासकिय अधिकृत सुरेन्द्र प्रधान,कार्यपालिका सदस्यहरु, विभिन्न उपसमितिका संयोजकहरु,नगरसभा सदस्यहरु,नगरपालिकाका शाखा प्रमुख ,कर्मचारी हरुको उपस्तिथि रहेको थियो।
नगरसभामा नगरसभा अध्यक्ष नगर प्रमुख बिष्णु बिष्ट ले आर्थिक बर्ष २०८१/०८२ को समिक्षा वक्तव्य प्रस्तुत गर्दै आर्थिक बर्ष २०८१/०८२ को कुल विनियोजित बजेट ९६ करोड ६५ लाख मध्य पौष २३ गते सम्म चालू तर्फ ३३.४ प्रतिशत र पुजिगत तर्फ ११.२४ प्रतिशत वित्तिय प्रगती भएको विवरण प्रस्तुत गर्दै  वार्षिक लक्ष्यको ३०.५३ प्रतिशत राजस्व संकलन भएको विवरण प्रस्तुत गरे।
नगरसभा बाट नगरपालिकाको अहिले सम्म आर्थिक विकास तर्फ १९.६९ प्रतिशत वित्तीय प्रगती भएको सामाजिक बिकास तर्फ ३३.०६ प्रतिशत,पुर्वाधार बिकास तर्फ १०.५८ प्रतिशत बन बाताबरण तथा विपद व्यवस्थापन तर्फ ८.०७ प्रतिशत र शुशासन तथा संस्थागत विकास तर्फ २९ प्रतिशत प्रगती भएको नगरपालिकाका उपप्रमुख भरत गोपालीले प्रतिवेदन प्रस्तुत गरेका थिए।

नगरपालिकाको १२ वटै वडाहरु,बिषयगत समितीस्तरिय योजनाहरुको संसोधनको लागि उपप्रमुख भरत गोपालीले नगरसभा समक्ष प्रस्तुत गरेको प्रस्ताबमा छलफल सहित पारित भएको छ।