थाहा नगरको तीन स्थानमा बिद्धुतिय चार्जिङ स्टेशन राख्न छलफल।

पछिल्लो सयम मुलुकमा विद्युतीय सवारी साधनको उपभोग बढ्दै गएको छ । विद्युतीय गाडीको प्रयोग बढाउन सरकारले कर छुटसहितका विभिन्न सुविधा दिइरहेको अवस्थामा यसको आयात पनि वृद्धि भइरहेको छ ।

सडकमा विद्युतीय गाडीको संख्यामा वृद्धि भइरहेको बेला यसको लागि आवश्यक पर्ने चार्जिङ स्टेसनको भने समस्या यथावत छ । काठमाडौं जस्ता मुख्य सहरदेखि लामो दूरीका विद्युतीय गाडी चार्जिङको लागि यस्ता स्टेसन प्रशस्त उपलब्ध हुन सकेका छैनन् ।
थाहा नगर एक प्रख्यात पर्यटकिय क्षेत्र भए पनि बिध्युतिय सवारी साधनहुनेहरु चार्जिङ्ग स्टेसन नभएको कारण यो भेगमा आउन खोजिरहेको छैन, यहि समस्यालाई मध्यनजर गदै थाहाको ३ ठाउँ दामन बज्रबाराही र चित्लाङ्गमा चार्जिङ्ग स्टेसन स्थापना गर्ने बारे नेपाल कम्युनिस्ट पार्टी ( माओवादि केन्द्र) थाहा नगर कमिटी अध्यक्ष बिनोद लामा र नेपाल बिध्युत प्राधिकरण पालुङ बितरण केन्द्र प्रमुख बिरमान रास्कोटी बिच छ्लफल भएको छ।
बिद्धुतिय चार्जिङ स्टेशन राख्ने कुरामा पालुङ बितरण केन्द्र सकारात्मक रहेको र तेसको लागि छिट्टै  पहल थाल्ने बिषयमा छलफल भएको अध्यक्ष लामाले बताउनुभयो।
पालुङ बितरण केन्द्रका प्रमुख बिरमान रास्कोटीका अनुसार अन्य ठुला राजमार्गमा नेपाल बिद्धुत प्राधिकरणले ठाउँ ठाउँमा चार्जिङ स्टेशनको निर्माणलाई तिव्रता दिएपछि त्रिभुवन राजपथको केही स्थानमा पनि चार्जिङ स्टेशन राख्न छलफल भएको र माथिबाट पनि सकारात्मक जबाफ आएकोले त्रिभुवन राजपथको केही स्थानमा चार्जिङ स्टेसन राख्न प्रक्रिया थाल्ने बताउनुभयो ।