थाहा नगरको चालू खर्च ३५ प्रतिशत र पुँजीगत १४ प्रतिशत

थाहा नगरपालिकाको आर्थिक बर्ष २०७९/०८० को संशोधित बजेट योजना तथा कार्यक्रम सहित हिउँदे अधिवेशन मार्फत थाहा नगरपालिकाको १२ औं नगरसभामा थाहा नगरपालिकाका उपप्रमुख भरत गोपाली द्वारा बजेट योजना तथा कार्यक्रम सहितको चालू आर्थिक बर्ष २०७९/०८० मा सम्पन्न भएको प्रगति समिक्षा प्रस्तुत गरेका छन।

नगर प्रमुख बिष्णु बिष्टको अध्यक्षतामा सम्पन्न १२ औं नगरसभामा उपप्रमुख गोपालीले चालू आर्थिक बर्षको हालसम्मको प्रगती समिक्षा प्रस्तुत गरे उपप्रमुख गोपालीले नगरपालिका भित्रका भौतिक पुर्वाधार विकास,सामाजिक विकास,वन वातावरण तथा विपद व्यवस्थापन ,आर्थिक विकास ,सुशासन तथा संस्थागत विकास,को समिक्षा सहितको संसोधित बजेट वक्तव्य मार्फत प्रस्तुत गरे। उपप्रमुख गोपालीले चालू आर्थिक बर्ष २०७९/०८० को हालसम्मको अवधिमा संघिय सरकारमार्फत आय तर्फ समानीकरण अनुदान तर्फ ७ करोड ८ लाख ८३ हजार ३ सय ३३ रुपैयाँ ,सशर्त अनुदान चालू १४ करोड ३० लाख ५० हजार ,बिशेष अनुदान पुजीगत ३३ लाख ३३ हजार ३ सय ३३ र समपुरक अनुदान पुजीगत २६ लाख ६६ हजार रुपैयाँ प्राप्त भएको बजेट पेश गर्दै बागमती प्रदेश सरकारबाट समानिकरण अनुदान प्राप्त नभएको र प्रदेश सरकार बाट सशर्त अनुदान तर्फ चालू आबमा ६० लाख ६० हजार,बिशेष अनुदान १८ लाख ७५ हजार,समपुरक अनुदान ७४ लाख ११ हजार २ सय ५०,र राजश्व बाडफाड तर्फ संघ र प्रदेश सरकारबाट ४ करोड ५४ लाख ६५ हजार तथा आन्तरिक श्रोत राजश्व शुल्क गतबर्षको बैंक मौज्दात अल्या समेत गरि २८ करोड ५७ लाख १ हजार ६ सय १८ अर्थात चालू आर्थिक बर्षको अनुमानित आयको ४८ प्रतिशत आम्दानी गर्न सफल रहेको बजेट वक्तव्य मार्फत बताए। त्यसैगरी खर्चतर्फ कार्यालय संचालन तथा प्रशासनिक क्षेत्र तर्फ ४६.४२ प्रतिशत ,सुशासन तथा अन्तर सम्बन्धित क्षेत्रतर्फ १०.१९ प्रतिशत ,पुर्वाधार विकास तर्फ १८.१८ प्रतिशत ,सामाजिक विकासतर्फ ३०.२२ प्रतिशत र आर्थिक विकासतर्फ २.७ प्रतिशत गरि २३.८८ प्रतिशत खर्च भएको तथा जस्मा चालू खर्च ३५.९ प्रतिशत र पुजिगत तर्फ १४.९३ प्रतिशत खर्छ भएको बजेट वक्तव्य मार्फत जानकारी दिनुभयो। ११ औं नगरसभा बाट १ अर्ब १७ करोड २ लाख १२ हजार ८ सय ६२ रुपैयाँको आयव्यय स्वीकृत भएको तथा सो बजेटमा थप श्रोत आम्दानी हुन नसकेको बजेट वक्तव्यमा भनियको छ।