थाहा कृषि सहकारीको कार्यालय उद्घाटन

मकवानपुर थाहा नगरपालिकामा कृषि सहकारी थपिने क्रममा नगरपालिकाको वडा नम्बर १ ओखरबजारमा कार्यालय रहने गरी थाहा कृषि सहकारी संस्था लि. को कार्यालय औपचारिक उद्घाटन भएको छ। पुस ५ गते थाहा नगरपालिका वडा न १ का अध्यक्ष हेरमान गोपालीले कृषि सहकारीको औपचारिक उद्घाटन गरेका छन। सहकारीका तदर्थ समितिको अध्यक्ष जितेन्द्र मगरको अध्यक्षतामा सम्पन्न उद्घाटन समारोहमा वडा न ४ का अध्यक्ष नारायण लामा,वडा न २ का सदस्य युवराज बिष्ट ,थाहा नगर उद्योग वाणिज्य संघका महासचिव सुरेन्द्रमान प्रधान,फरक सोचका अध्यक्ष यादव जंग रायमाझी ,नेपाली काङ्ग्रेस थाहा ४ का वडा सभापति श्रीकृष्ण केसी,युवा संघ थाहा नगरका सिदार्थ केसी,प्रेस सेन्टर थाहा नगर अध्यक्ष शम्भु अधिकारी ,सिद्द्काली सामुदायिक बन उपभोक्ता समिती थाहा ४ का अध्यक्ष अच्युत खत्री,लगायतका उपस्तिथि रहेको कार्यक्रममा अतिथीहरुले संस्थाको सफल बित्तीय कारोबारको साथै नगर भित्र कृषि क्षेत्रमा योगदान दिन सफल रहोस भन्दै शुभकामना दियका थिए । थाहानगर भरी कार्य क्षेत्र रहने गरी नगरपालिकामा दर्ता भएको थाहा कृषि सहकारीले कृषि सम्बन्धी कार्य, कृषकसंग बचत तथा ऋणको कारोबार, सीप विकास र रेमिट समेतको कार्य गर्ने तदर्श समिति अध्यक्ष जितेन्द्र मगरले जानकारी दिए । ३१ सदस्यसहित स्थापना भएको सहकारीको कुल शेयरपुँजी ९ लाख ३० हजार रहेको छ । संस्थाले तत्काल कारोबार संचालन गर्ने सहकारीका केशव सुनारले जानकारी दिए ।