थाहामा १० दिने उद्घाेषण र पत्रकारिता तालिम सम्पन्न

जनमुखी अभियान प्रा.लि. द्वारा संचालित १० दिने रेडियो उद्घोषण तथा पत्रकारीता तालिमका आज समापन भएको छ ।
थाहा नगर विकासघरमा भएको समापन कार्यक्रममा प्रमुख अतिथि नगर प्रमुख लवशेर विष्टले आजको युग संचारको युग भएको सूचना र सञ्चारको हतियार वोकेर समाज विकासको महत्वपूर्ण भुमिका खेल्न सक्नु पर्ने वताउनु भयो । कलमको आडमा पित पत्रकारीता लाई बढावा नगर्नको लागि अनुरोध गर्नु भयो । तालिममा सहभागिहरुलाई शुभकामना तथा प्रमाण पत्र प्रदान गर्दै उहाँले तालिमको ज्ञान सहि ठाउँमा सहि ढंङगले प्रयोग गरेमा समाज परिवर्तनमा महत्वपूर्ण भुमिका खेल्न सकिने भएकोले आफ्नो तर्फवाट आवस्यक सहयोग गर्ने प्रतिवद्वता व्यक्त गर्नु भएको थियो ।

अतिथि प्रेस सेन्टर मकवानपुरकी अध्यक्ष नानि मैंया विष्टले पत्रकारीताको समाजमुखी बनि घुलमील गरेमा सजिलो हुने र सम्मान पाइने पेशा भएकोले पाएको प्रमाण–पत्र घरमा राख्ने भन्दा पनि फिल्डमै काम गरेमा मात्रै असल पत्रकार बन्न सकिने वताउनु भयो ।
तालिम संयोजक इच्छापूर्ण कार्कीको सभाध्यक्षतामा भएको कार्यक्रममा वडा नं. ३ का वडा अध्यक्ष राजेश के.सी, वडा नं. ४ का वडा अध्यक्ष दिपक सिं लामा, नेकपा माओवादी केन्द्रका नगर कमिटि अध्यक्ष अरुण रायमाझी, अन्नपूर्ण पोष्ट तथा न्यूज २४ का पत्रकार कृष्ण सारु मगर, पालुङ क्याम्पस स्ववियू सभापती मुकेश गोले, प्रेस सेन्टर २ नं. प्रदेश सदस्य शम्भु अधिकारी लगायतको आतिथ्यता रहेको थियो ।
कार्यक्रमको समापन गर्दै इच्छापूर्ण कार्कीले आफुले लिएको तालिमको क्षेमता देखाउन दृढ भएर लाग्ने लाई जनमुखि अभियानले सदैंव साथदिने वताउनु भयो ।
तालिमका प्रशिक्षार्थी मान बहादुर रुम्वा र विपना गोपालीले संचालन गरेको कार्यक्रममा प्रशिक्षार्थीको तर्फवाट ठाकुरराम थिङले तालिमको क्षमता अभिवृद्घी र पत्रकारीता सम्वन्धीज्ञान पाएको अनुभव सुनाएका थिए भने अर्का प्रशिक्षार्थी रिस्ता खत्रीले सुन्दा र पढ्दा सजिलो जस्तो लागे पनि पत्रकारीताको व्यवहारीक ज्ञान पाएको वताउनु भयो ।