थाहामा सेवा चुस्त बनाउन विद्युतलाई वाईसिएलको ध्यानाकर्षण

योङ्ग कम्युनिष्ट लिग थाहा नगर कमिटिले विद्युत चुस्त दुरुस्त र भरपर्दो बनाउन पालुङ प्राधिकरणलाई ध्यानाकर्षण गराएको छ । वाईसिएलका थाहा नगर कमिटि अध्यक्ष मान सिंह दोङ्गको नेत्तृत्वमा प्राधिकरण पुगी ५ बुँदे ध्यानाकर्षण पत्र बुझाएको हो । कार्यक्रममा वाईसिएलका नगर सचिव युवराव विष्टले ध्यानाकर्षण पत्र पढेर सुनाउदै वितरण केन्द्र प्रमुख बिरमान रास्कोटीलाई हस्तान्तरण गरेका थिए ।

ध्यानाकर्षण पत्रमा पुराना र जिर्ण पोल सुधार्नु पर्ने हाई भोल्टेज लाईनलाई व्यवस्थित गरिनुपर्ने र हाँगाविगा कटानमा ध्यान दिनु पर्ने, नागरिकलाई समय सापेक्ष सुचना उपलबध गराउनु पर्ने,थाहा ९ चित्लाङ्गमा विद्युतिय दुर्घटनामा परि घाईते भई उपचाररत सुदिप तामाङको शिघ्र उपचारको व्यवस्था मिलाउनु पर्ने लगाएतका माग छन् । 
कार्यक्रममा ध्यानाकर्षण पत्र बुझ्दै वितरण केन्द्र प्रमुख रास्कोटीले लाईन सुधारलाई कार्यालयले प्राथमिकताका साथ काम गरिरहेको र सुचनाका आधारमा देखिएका र आएका समस्यालाई तत्कालबाटै सुधारका काम शुरु गर्ने प्रतिवद्धता व्यक्त गरेका छन् । 

ध्यानाकर्षण पत्र बुझाउदै वाईसिएल टोलीले अन्रक्रिया कार्यक्रममा प्राधिकरणले गर्ने सुधारका काममा तथा विद्युत चुहावट नियन्त्रण र वक्यौता संकलनमा समेत वाईसिएलले सहयोग र सहकार्य गर्ने बताएका थिए ।