थाहामा विभिन्न संघसंस्था द्वारा शुभकामना तथा चियापान

थाहा नगरपालिकामा आयोजित पालुङ बहुउद्देश्यीय सहकरी संस्थाले आयोजना गरेको शुभकामना आदानप्रदान कार्यक्रममा थाहा नगरका उपप्रमुख भरत गोपालीले राष्ट्रिय एकता र सद्भाव कायम गर्न चाडपर्वको भूमिका महत्वपूर्ण हुने बताउनुभयो ।
थाहा नगरको थानाबजारमा पालुङ बहुउद्देश्यीय सहकारीले सनिवार आयोजना गरेको दसै, तिहार, नेपाल संवत्, छठ र ल्होसार पर्वको शुभकामना आदानप्रदान तथा चियापान कार्यक्रमलाई सम्बोधन गर्दै उपप्रमुख भरत गोपालीले नेपालजस्तो बहुजातीय, बहुभाषिक, बहुधार्मिक, बहुसांस्कृतिक एवं भौगोलिक विविधताले भरिपूर्ण देशमा चाडपर्वले आपसमा सदभाव अभिवृद्धि गर्न योगदान दिएको बताउनुभयो । उहाँले भन्नुभयो, ‘चाडपर्वले सहिष्णुता, सद्भाव र एकतामा सहयोग पुर्याउने गरेका छन् । त्यसैले चाडपर्वको महत्व कम आँक्न हुँदैन, यिनको संरक्षण गर्नुपर्छ ।’
पालुङ बहुउद्देश्यीय सहकारी संस्थाको अध्यक्ष पुर्शोत्तम कार्कीको अध्यक्षतामा सम्पन्न शुभकामना आदानप्रदान कार्यक्रममा प्रमुख अतिथी उपप्रमुख भरत गोपाली,बिशिस्ट अतिथी जिल्ला सहकारी संघका कोषाध्यक्ष बिमल कुमार ढकाल ,संस्थापक अध्यक्ष बिष्णुहरी ढकाल जंगली ,पुर्व संचालक समितिका पदाधिकारी ,वर्तमान संचालक समितिका सदस्यहरु,कर्मचारीहरु शेर धनी सदस्यहरुको उल्लेख्य उपस्थिति रहेको थियो।तेस्तै पालुङ जेसिजले पनि नजिकिदै गैरहेको दशै तिहार ,छठ,नेपाल सम्बतको उपलक्ष्यमा शुभकामना आदानप्रदान तथा चियापान कार्यक्रम गरेको छ।होटल उत्सव प्लाजामा भएको कार्यक्रममा जेसिज २०२२ का पदाधिकारी तथा पुर्व अध्यक्षहरुको उपस्थिति रहेको थियो ।जेसिज बर्ष २०२२ का अध्यक्ष जयराम खत्रीको अध्यक्षतामा सम्पन्न कार्यक्रममा पुर्व अध्यक्ष भरत गोपालीलाई थाहा नगरको उपप्रमुखमा निर्वाचित भएको उपलक्ष्यमा नेपाल जेसिजले प्रदान गरेको सम्मानपत्र हस्तान्तरण गरियको थियो।
आजै इलाका प्रहरी कार्यालय पालुङले पनि शुभकामना आदानप्रदान तथा चियापान आयोजना गरेको थियो ,प्रहरीको कार्यक्रममा थाहा नगरका संघसंस्थाका प्रतिनिधि ,पुर्व जनप्रतिनिधी,हालका जनप्रतिनिधिहरुको उपस्तिथि रहेको थियो।