थाहामा रोपेको १० दिनमै काउली फुल्यो, नगरको कृषी शाखा छानबिन गर्दै

थाहामा रोपेको १० दिनमै काउली फुलेको छ । थाहा नगरपाकिला ३ शिखरकोटकी किसान रुकु रायमाझीले करिब एक रोपनीमा लगाउनु भएको काउली रोपेको १० दिनमै फुली सबै विग्रिएको हो ।

काउली विग्रिए पछि बिउ बिजन,मल जल सँगै खेतीमा गरेको लगानी खेर गएकोमा किसानलाई चिन्ता थपिएको छ । 

काउली रोपेर फलाई केहि कमाउने आशा सहित बल्ल तल्ल जोहो गरेको मल जल हाली दुख गरेर लगाएको बाली विग्रदा  रायमाझीलाई चिन्ता त छदै छ , यसको जिम्मेवार को हुने भन्ने प्रश्नको उत्तर पनि खोजिरहनु भएको छ । उहाँ भन्नु हुन्छ म दुख गरेर खेती गर्ने किसानलाई न्याय कसले दिन्छ ? दोषी पहिचान हुन्छ कि हुँदैन र कार्बाही हुन्छ कि हुँदैन ? मलाई न्याय दिनु परो ।

रायमाझीले बिउका कारण हो कि भनी बिउ किनेको पसलमा कुरा पनि गर्नु भयो तर पसलबाट बिउका कारण त्यस्तो नभएको उत्तर पाउनु भयो । तर के कारणले काउली फुल्यो चित्बुझ्दो उत्तर भने अझै पाउनु भएको छैन ।

थाहामा यस्तो भएको यो नौलोे होईन । यस अघि पनि पटक पटक बिउ बिजनका कारण किसानले लगाएको बाली बिग्रिएको छ । तर किसानले न्याय कहिल्यै पाएका छैनन् ।

रोपेको १०–१२ दिनमै काउली किन फुलेछ ? के को. कमजोरीले भनी थाहा नगरपालिका कृषी शाखाका प्रमुख संजय तीवारी सँग बुझ्दा हाल सम्म किसानले नगरपालिकामा गुनासो नगरेको र तत्कालै प्राविधिक पठाई के भएको छानबिन गर्ने बताउनु भयो । कृषी शाखा प्रमुख तीवारीले काउली फुल्ने समस्या मुख्यतया बिउकै कारण हुने र बेर्ना ढिलो सार्दा पनि यस्ता समस्या आउने पनि बताउनु भयो । तर त्यहाँ छानबिन पछि मात्र के भएको हो सो को बारेमा जानकारी गराउने पनि तिवारीले बताउनु भयो ।