थाहामा मनाइयो अन्तर्राष्ट्रिय जेष्ठ नागरिक दिवस

थाहा नगरपालिकाले  अन्तर्राष्ट्रिय ज्येष्ठ नागरिक दिवसमनाएको छ । थाहा नगरपालिकाको आयोजना, नगर महिला तथा बालबालिका तथा जेष्ठ नागरिक शाखाको  संयोजन तथा नगर स्तरीय जेष्ठ नागरिक समितिको व्यवस्थापनमा सिताराम जेष्ठ नागरिक दिवा सेवा केन्द्र घर्तिखोलामा कार्यक्रम सम्पन्न भएको हो ।
संयुक्त राष्ट्रसंघले सन् १९९० को डिसेम्बर १४ मा अक्टोबर १ तारिखलाई ‘अन्तर्राष्ट्रिय ज्येष्ठ नागरिक दिवस’ का रुपमा मनाउने प्रस्ताव पारित गरेपछि विश्वभर अन्तर्राष्ट्रिय ज्येष्ठ नागरिक दिवसका रूपमा मनाउन थालिएको हो ।  

ज्येष्ठ नागरिक समन्वय समिती थाहा नगर संयोजक  ईश्वर बहादुर कार्कीको सभापतित्वमा आयोजित कार्यक्रममा वडा न ३ का अध्यक्ष हिरेन्द्र कुमार रायमाझीको  प्रमुख आतिथ्य रहेको थियो ।

कार्यक्रममा नगर प्रवक्ता तथा वडा न ३ का अध्यक्ष हिरेन्द्र कुमार रायमाझीले जेष्ठ नागरिकको सम्मान नै सबैको तीर्थवर्त रहेकोे भन्दै जेष्ठ नागरिकको हक, हित, संरक्षण र संवर्द्धनका लागि विभिन्न कार्यक्रम गरिरहनु पर्ने आवश्यकता औल्याएका छन् । 
कार्यक्रममा ४ न वडा जेष्ठ नागरिक मन्चका संयोजक निरन्जन अधिकारी,किरातेश्वर जेष्ठ नागरिक मिलन केन्द्रका अध्यक्ष सिताराम अधिकारीले मन्तव्य राखेका थिए।

सिताराम जेष्ठ नागरिक सेवा केन्द्रका गुप्त बहादुर कार्कीले स्वागत गरेको कार्यक्रमको संचालन महिला बालबालिका तथा जेष्ठ नागरिक शाखा प्रमुख प्रतिमा  मोक्तानले गरेकी थिइन् । 
दिवसकै अवसरमा ईलाका प्रहरी कार्यालय पालुङले पनि बिहान स्थानीय जेष्ठ नागरिक हरुसंग कार्यालय परिसरमा अन्तरक्रियात्मक कार्यक्रम गरेको थियो।